好快到了淺草了!
我哋向雷門方向出, 行咗一段路, 都搵唔到正門, 但見到類似仲見世通, 於是行過去睇吓! 見到呢個江戶公仔好有型喎!
呢度附近o既店舖都帶有濃厚江戶風古舊風味, 外牆都有江戶立體公仔, 富有懷舊色彩!
原來o黎咗伝法院通, 即係仲要向前行先到正門, 原來個出口唔近o架!
我哋再行, 見到洗手間, 同埋有好多人在樹蔭下坐低休息, 今日好曬呀! 我哋行到口渴, 買咗罐野飲先!
煙蒂缸都刻上淺草寺
呢處有好多疑似白鴿, 呢位伯伯係度俾野佢哋食!
終於o黎到淺草寺正門 - 雷門喇 ~
燈籠背面, 旁邊供奉風神同雷神
呢張相真係影得辛苦喇! 因為實在太多人, 張張都影到有人係前面行過!
穿過雷門就是最熱鬧o既參拜道仲見世通, 呢度亦是商店街, 兩旁都係售賣手信
呢間係賣黍糰子, 即叫即製
用好多黃豆粉整呀!
一串有四粒, 口感與湯丸差唔多, 煙煙韌韌.
食完又繼續行 lur! 呢個係Kitty羽子板
T恤
燈籠
經過舟和, 見到呢set Kitty, 好想買佢番屋企呀!
內有一包蕃薯薯片及一隻淺草版Kitty杯, 仲要係粉紅色, I like it!!!
一直向前行就到淺草寺了! 今日天色真係好好呀!
如果是真紅葉有多好呢~
行到呢度, 小馬話想食呢間既Ice-cream pie
我哋揀咗十勝紅豆味, 上下兩塊脆餅好脆, 熱天食正!
o黎到木村家, 梗係要買番包人形燒係酒店嘆吓啦!
店員在店內新鮮製作
我哋真係食唔停, 係淺草九重又買炸大福
店主好風趣幽默, 逗得客人好開心!
有五種口味, 即炸即賣
我哋揀咗南瓜同綠茶味, 外脆內軟, 幾好味! 不過我嫌油咗啲啫!
通過呢度門就可到本堂
淺草寺旁的淺草神社
好大盞提燈呀!
好大隻草鞋呀!
一場o黎到, 求番支籤先!
盛惠香油錢Yen100啦!
睇我個樣係咪好誠心呢?
可惜抽到支凶籤, 唯有挷係木架上, 希望可以避一避凶啦!
o黎到淺草寺, 梗係要入鄉隨俗, 將啲煙潑向自己, 以潔淨身體
入廟前, 以示禮貌, 我都洗洗手先!
觀音堂 ~ 內裡供奉一座觀音像
參觀完廟內, 到外面走走, 見到有好多佛像
又有地藏尊
再行番出外面, 見到五重塔
有個紀念碑, 唔知係咪紀念啲鴿呢?
haha!!! 小馬見到啲鴿都想唔放過!
係咪俾人洗手o架?
行完淺草寺喇! 離開途中見到呢間花月堂
有好多雪糕呀! 不過我已經好飽了!
好cute 呀! 呢刻諗起小丸子!
係街上見到著和服的少女
呢個建築物, 幾特別喎!
我哋番到酒店休息吓先, 今日行到好攰呀! 跟住順便食埋呢四個人形燒, 內裡是紅豆饀, 不過都幾甜!
之後我哋會係新宿行吓, 同埋去"蟹道樂"嘆蟹呢!
沒有留言:
張貼留言