原宿駅對面就係竹下通, 今日假日, 好多年青人o黎行街, 我覺得呢度似旺角花園街, 都有好多買o架! 價錢又唔貴, 不過都要睇啱唔啱自己喇!
行落去就見到我想去o既第一站喇~ Paris Kids
呢度有好多飾物買, 啲款都幾靚, 價錢又唔貴, 我係度都有唔少收穫呢!
買完覺得肚餓, 於是o黎呢度買個 Crepes 食先~
好多人都買o黎食, 你見我身後啲日本妹, 個個手上都揸住一份, 不過真係好好味呀!
竹下通行完, 沿住明治通行, 過咗馬路, 就係表參道, 兩旁都係名店
朝早行咗咁耐, 係時候開餐先再搏過! 今次揀咗"光麵", 係其他地方都有分店
等咗一陣就有位了, 睇吓食咩先~
小馬o既豪華版熟成光麵, 有好多料呀!
我o既人氣熟成光麵
再加多個煎餃子
呢度啲拉麵都好好味! 湯底較"博多天神"濃~
食飽後, 又係shopping 時間, 先去 Agnes B 專門店, 睇咗一輪, 終於出手喇~ 買咗個袋呢!
之後去咗"Kiddy Land", 呢度有好多層, 我主要睇Kitty 啲野, 當然都買咗野啦!
跟住行天橋過對面, 依家我企係表參道中間呀!
表參道山
我哋去咗"Bathing Ape" 睇衫, 我就無收穫喇! haha!!! 反而小馬買咗見衫呢!
為咗讓小馬抖一抖, 我哋去咗Starbucks 坐低飲野休息吓先~ 個 Green Tea 好好飲呀!
之後我哋入裡原宿, 再戰"Head Porter" , 本來想買袋, 但我鍾意o既款無大 size, 不過最後都有收穫.
我哋又去咗Beams, 連續幾間舖都係關於Beams, 可惜空手而回
見時間尚早, 我哋去行"Laforet", 呢度反而有好多野睇, 覺得幾好行, 有啲 brand 香港 i.t.都有, 例如 Pageboy, Lowrys Farm, X-Girls, Nice Claup, Earth Music & Ecology etc., 我都睇中啲衫, 不過都唔平, 又無discount, 所以都無咩點買, 最後係Earth Music & Ecology 買咗件衫.
我都覺得攰了, 於是起程返新宿, 經番竹下通去原宿駅, 中途見到藥房, 又入去行吓先!
返到新宿, 放低戰利品, 抖咗陣就出去食飯 lur~
今晚去"若狹家"食魚生飯, 本來想去杜如風介紹的"金太郎", 但較遠又要搵, 所以唯有係o黎緊幾日先搵日去啦!
我的四色魚生飯 ~ 都唔錯喎!
小馬次次都係揀啲咁豐富o既~
平時我係香港好少食魚生飯, 不過呢度都好好味, 好新鮮呀!
食完又去咗Lumine 行吓, 見到呢度買waffle, 有好多flavor, 好好味喎!
於是又買咗兩個當甜品食, 我哋揀咗綠茶紅豆及季節限定甜薯蘋果味, 好味道呀!
我哋行番去酒店, 影吓酒店內裡o既裝修, 環境真係唔錯呀!
上到房, 每層都有一部自動飲品售賣機及製冰機
番酒店前, 我哋又去咗便行店買飲品
呵呵! 今日o既戰利品
今日真係行得好攰呢! 不過仲要執定聽日去箱根o既行李, check-out 後又要寄存大件行李係酒店, 等第四日晚番o黎再check-in 攞番, 好啦! 早啲休息, 聽日向大自然 ~ 箱根出發喇!
間酒店幾靚喎! 一晚要幾錢?