25/2 ~ 今日又到見盧醫生o既日子喇! 例牌要磅重, 量血壓同驗小便, 但今日小便尿蛋白高咗少少, 但姑娘話唔大問題, 私家我唔擔心, 只係擔心一星期後要返醫院飲糖水會唔pass 呀!
醫生問我呢個月有無唔舒服, 我話瞓得唔好, 一到轉身個人就醒, 又驚平瞓會影響小小馬, 咁醫生話三十週前其實點瞓都無問題, 唔會影響BB, 當我熟睡時根本都唔知自己o既睡姿, 不過三十週後就盡量要側睡了! 我又同醫生講間唔中瞓醒後會抽筋, 佢話是正常, 因為血液唔到, 只要一抽筋就即刻拉番隻腳, 好快無事的!
到照U/S時候喇! 小小馬又長大了! 依家一放個儀器上肚, 唔會見哂成個小小馬, 要逐部份照先見到呢! 心跳正常, 頭圍, 肚圍同腳的size都吻合週數, 體重 2.7磅, 胎水及胎盤位置都正常. 醫生話小小馬體重ok, 唔駛谷自己食野, 都係o個句, 太重我會好辛苦 , 生佢開刀位o既size都會大, 所以大約六磅已經ok了!
之前仲未決定開刀定順產, 但諗清楚自己都係怕痛, 又可以係有準備o既情況下生, 所以最後決定係9/5 開刀了! 呢日係我哋揀, 醫生話呢日都已經過了38週, 足月可以開刀, 好彩醫生及手術室都有位, 而時間都唔錯, 所以即刻confirm呢日了! 今日產檢, 醫生同我哋講番手術過程及注意地方, 簽埋同意書, 下次產檢可以俾埋封入院信我了!
仲有兩個半月, 我都想盡量食多啲有營養o既野, 希望小小馬繼續吸收多啲, 快高長大啦~
