渡過了一個o既忙碌又開心的生日

渡過了一個o既忙碌又開心的生日

2008年10月19日下午1:39公開累積瀏覽 130

15/10 ~ 每年呢日我都會請假, 因為唔想生日都番工咁辛苦, 但今年實在有太多野要follow, 所以只係放下晝, 不過好好o既係公司由九月起, 實施了Half Day Birthday Leave, 咁我又可以慳番半日假喇! 哈哈!

我做到下午兩點先走, 跟住係中環會合小馬, 我哋就向赤柱出發喇! 因為好想去戶外行吓, 所以就揀咗赤柱喇! 搭車期間, 塞咗半個鐘頭, 由於我哋未食野, 入到去要快啲搵食先! 由於夜晚我哋要去食buffer, 唔想食得太飽, 於是求其去一間茶餐廳食啦! 食完去市集行了一趟, 係o個度竟然買咗兩對囍字拖鞋呀! 跟住我哋去了美利樓o個邊, 真係好耐無o黎呢度, 感覺唔同咗, 我哋仲見到3 pair新人影婚紗相呢!

呢度係新建, 好似係碼頭

行到差唔多六點就搭車出金鐘, 我哋係"JW Marriott" book咗食buffer, 呢度真誇張, 要個半月前book定, 連平日都好full 呀!

去到已經好多人喇! 我哋已急不及待出去攞野食呢! 原來做緊避風塘美食, 所以有好多海鮮食, 正呀!

小馬食得好滋味喎!

留肚食dessert喇! 都有好多款揀, 我仲食咗好多, 今次食完唔減吓都唔得喇!

飲埋呢杯野, 已經好飽好飽喇! 呢度雖然唔多野揀, 但勝在食物質素好, 每樣野都整得好好味, 唔怪得知呢度咁難book位啦! 今餐真係好滿足呢!

今年生日比較特別, 因為係最後一年以女朋友身份與小馬過生日, 仲有今年o既生日禮物, 小馬已經一早送咗俾我, 係一部多功能相片打印機, 因為我要整wedding o既野, 所以呢份禮物好實用呀!
我哋呢晚食咗一餐好豐富o既生日飯, 多謝小馬陪我渡過咗一個咁開心o既生日呀!

• 情感關係,
• 愛情