第四天 (13 Oct 2009)
雪月花 => 大涌谷 => 蘆之湖 => 御殿場 => 新宿
原先想早起身去浸多次溫泉, 但可能太攰了遲咗起身呢!
朝早吸吓箱根o既新鮮空氣, 寧舍精神呢~
八點零我哋落去食早餐, 好豐富呀!
呢舊魚好好味呀~
呢個鍋係麵豉湯底, 打咗隻蛋落去, 用o黎撈飯, 好正o架!
納豆 ~ 真係唔係人人可以接受到個口感
開餐喇!
好美味的早餐, 好滿足呀! 食飽可以起行了~
check out 後, 再係旅館內影吓相, 呢度就係大舞台, 夜晚同早上o既感覺好唔同
要同雪月花 say Goodbye了, 真係好唔捨得, 雖然住得一晚, 但已經享受到賓至如歸o既服務, 如果將來再o黎箱根, 我哋都會揀番雪月花呢!
之後我哋向"大涌谷"出發, 於是行去強羅駅搭登山纜車到早雲山
由於時間尚早, 唔係好多人
呢段路程只需10 mins
咁啱見到窗外有紅葉呀!
到達早雲山了
跟住搭登山吊車上大涌谷
有啲似昂坪360, 咁當然架車大架啲同穩定啦!
出發喇!
見到架車身白色o既吊車, 好罕有o架!
行到咁上下, 望落去見到大涌谷o既水蒸氣及硫黃氣霧不斷冒出
呢度係唔開放俾遊客參觀, 只有乘搭吊車先會見到, 呢一帶o既土地因長期被硫黃侵蝕, 所以寸草不生, 土地變成赤褐色
o黎箱根最開心最大收穫o既係可以俾我哋見到富士山呀! 因為見唔見到富士山, 真係好睇天氣, 呢兩日都好好天, 真係天公造美呀!
四處都有煙噴出o黎
到達大涌谷了!
落咗車係站內見到幸福之鐘, 當然要敲吓佢, 祈求幸福啦!
小馬都唔執輸, 敲吓先!
幸福之鐘即是牧牛鐘, 所以隔離有隻牛牛係度
係大涌谷駅內見到金太郎
小馬要破世界紀錄呀!
叮噹
Thomas 呀! 仲有麵包超人同 Kitty o架!
出咗站, 影張到此一遊先!
我哋已經身處海拔1044米喇~
係大涌谷, 望見富士山就更加清晰
呢度有個新版黑蛋Kitty
隔離就係舊版黑蛋Kitty, 我都買咗隻公仔俾自己呢!
休息一陣, 就向噴煙地出發喇! 係手信店門口見到寄木細工版Kitty
經過"極樂茶屋"
我哋要行一段山路, 大約10-15分鐘啦! 沿途都會見到富士山o架! 今日好好天, 行呢段路, 都覺得好曬好熱呢!
到達喇! 不過呢度好勁硫黃味呀! 再逗留耐啲, 都頂唔順呢!
呢到係玉子茶屋專用o既烚蛋池, 啲蛋係由吊箱運送上o黎, 並放係有酸性熱泥80度溫泉池, 烚10-15分鐘, 拎出o黎後用5分鐘蒸氣蒸熟雞蛋, 就變成黑玉子喇~
小心! 好熱o架!
有專人好好心機烚啲黑玉子
烚好, 拎上o黎再蒸一陣
蒸好就可以推出去賣了!
玉子茶屋 ~ 就係呢度買黑玉子喇~
一包六隻, 保存期只有兩天, 我哋唯有襯熱辣辣, 食咗去啦!
大涌谷名物 ~ 黑玉子, 外層黑色, 傳說有延年益壽的作用, 一隻可增壽七年
內裡同普通蛋無分別, 味道都差唔多, 我食咗三隻, 咁咪可以增壽廿一年law! haha!!!
我哋再行上去就到噴煙地, 可以近距離觀賞呢!
我哋又要同富士山影張合照先!
之後我哋落番去手信店買手信, 跟住又要趕去桃源台, 不過睇o黎都趕唔切十二點班船lur!
May I know how did you make the booking at 雪月花?
Thanks!
睇見你地D相, 就好掛住日本啦!!