係之前o既 post都有略略提過早上發生一件激氣事, 雖然事隔咁多個月, 一諗起都仲好嬲, 始終係我整個婚禮上蒙上一個污點, 真係攪到我哋好唔開心!
呢架粉紅 London Taxi我真係好鍾意, 知道只有美滿花車先有, 於是一年多前係Expo 就book了! 之後係esd都睇過有關佢哋o既post, 有新人complaint 佢哋, 又話佢哋態度差, o個時我都係半信半疑, 同自己講放心, 唔會發生係我哋身上o既!
出事o既前因係BD前兩星期, 美滿打電話叫我哋去交埋尾數, 唔只一次, 打俾我又打俾小馬, 小馬話佢哋啲語氣好差, 好似order人去俾錢! 於是我同小馬去咗尖沙咀門市交尾數, 因為當時已經出咗rundown, London Taxi同24人van要係六點半到男家(將軍澳), 本身單上係註明服務時間由早上八點半開始, 即是我哋要求兩架車早兩個鐘到, 要俾多兩個鐘OT錢及早費, 兩架車加加埋都要額外俾多$2,300, 本來都無咩野, 最嬲係我哋問佢野, 語氣串, 用租的士做比喻解釋俾我哋聽, 小馬咪好"興"咁話, 依家我哋唔係租架的士, 而係俾幾千蚊租你哋o既車!!! 唔知係咪呢日攪到大家唔開心收場, 所以佢哋係我哋BD玩野!!!
罪証(一): 花車遲到一小時
到一月三日, 大約七點鐘, 女家各位準備就緒, 等班小馬同兄弟上o黎, 但呢個時候, 小馬打o黎話架London Taxi未到, 吓! 唔係卦! 初時我哋都唔信, 以為佢哋騙我哋啫, 花車點會遲呢! 但等吓唔對路, 因為AG snapshot o既 Daniel上咗女家, 而Grace & videoman就係男家, Daniel打俾Grace問, 架花車的確車仲未到, 小馬打咗俾個司機, 佢話唔識路, 係將軍澳兜黎兜去, 於是由識揸車既兄弟教佢o黎,
有無攪錯, 唔識路! 我就唔信喇! 咩唔係預早搵定所去地點, 花車點可以遲到o架! 我覺得係個司機唔知醒遲到就真, 離哂大譜! 我當時已經好擔心, 驚過咗吉時呀! 之後小馬話佢到咗, o個時都過咗七點半, o黎到我屋企都要八點了! 我哋要九點前出門, 原定七點半上到女家, 諗住有充足時間玩遊戲同影相, 點知依家變咗好趕, 要睇實時間玩, 仲要cut咗個game, 呢個時候我真係好嬲呀! 好彩有Grace係度, 佢幫我哋控制時間, 先可以順利係九點出門!
本身我已經好嬲, 當我落到樓下, 見到架車仲"興", 因為唔見個車頭佈置, 只係見到對Kitty扎係車頭, 我即時出聲問個佈置係邊, 個司機係車內攞番出o黎, 啲兄弟話之前趕住出車未整上去, 我話依家要整番上去, Grace好好, 好識睇眉頭眼額, 知我好嬲唔開心, 於是同司機夾手整番上去, o個時我條氣先順啲咋! 真係要多謝Grace幫手!
有相為証 ~ 只有一對Kitty
加番個車頭佈置
本來我預咗半小時俾小馬同兄弟佈置花車, Grace同videoman仲可以影埋花絮, 就因為個司機遲到, 攪到無兄弟佈置花車o個段vido, 又無影到相, 對我o黎講, 每一部份都好重要, 好想影低番為紀念, 但因為佢o既錯攪到無咗我o既回憶, 呢樣就算賠錢都彌補唔到!!!
罪証(二): 司機係食飯時間飲酒
有兄弟事後話番我哋知, 當日見到司機係食飯時候飲啤酒, 有無攪錯呀! 揸車前飲酒, 咁會好危險, 我哋之後會去伊甸園, 點可以揸花車時段飲酒o架! 簡直置我哋o既安危於道外! 如果當時俾我知道, 我哋一定會出聲o架!
罪証(三): 揸架車去買麵包
我, 小馬,伴娘及攝影師去中環影外景, 我哋落車後, 架London Taxi泊係街, 我哋就去影相喇! 當我哋影完行番去架車o既時候, 見到架車俾警察趕, 於是個司機揸走架車, 我哋送車尾, 於是小馬打電話俾個司機問佢揸去邊, 個司機話依家兜番過o黎接我哋, 但我哋四個人企係路邊等咗好耐, 兜都無理由咁耐啦! 我哋仲要趕番去酒樓tim! 同埋驚佢玩野, 兜到差唔多夠鐘先番酒樓, 轉頭話要收我OT錢咋! 我哋再等, 見到架車出現, 我上車見到個司機位側邊多咗包麵包, 原來兜咁耐就係走咗去買麵包, 攪到我哋要等咁耐! 離譜!!!
當日我好想即刻打電話去美滿同個sales理論, 但姊妹勸我唔好係今日好日子同佢哋嘈, 係都聽日先啦! 佢哋都講得啱! 費時個司機係中途玩野, 好! 我就忍住你先! 於是第二日同小馬還衫後, 就去美滿complaint佢哋, 同埋要攞番一個鐘OT錢, 我哋不斷講, 個sales都無聲出, 梗係啦! 身有屎吖o麻! 之後佢打電話俾佢老細講番呢件事, 對方都無同我哋爭議, 即係密認啦! 仲叫個sales俾番1 hour OT錢我哋, 不過我哋唔會就咁算, 我會係esd 講番件事出o黎, 依家唔係錢o既問題, 而係呢件事令我哋唔開心, 希望其他jm 都可以留意呢間公司.
呢架 London Taxi的確好靚, 好鍾意呢隻粉紅色, 不過都要勸一勸各位未book花車或已book咗美滿花車o既 jm, 要小心佢哋呀! 如果唔想換來一肚子氣, 就唔好book美滿呀!
我都係搵阿GRACE幫我呀.佢真係超幫到手.
仲安排得好好.
謝謝分享
跟住逸東酒店送果架超殘舊款方燈BENZ, 我未唸住用黎車女家..
跟住逸東酒店送果架超殘舊款方燈BENZ, 我未唸住用黎車女家D長老囉, 唔知個司機發咩神經, LUNCH時車錯我媽去食飯地方, D老人家又唔知發咩皮四, 打去問佢到左未呀? 又話到左喇, 收左我線, 點知連自已坐既地方錯左都唔知... 超衰
粉紅london taxi唔止佢有ga,我都識有公司有啦.不過我o個陣撞左期Book唔到,最後都Book到另一間的紫色london taxi.
咁玩野 , 完全唔尊重自己的工作
佢遲左成個鐘..有冇嘈佢減番o的租車錢..好過份@@!