結咗婚差唔多半年了! 都未正式煮過餐飯俾小馬食, hehe! 諗起都覺得唔係幾好呢!
本身我唔係好識煮野o架! 我哋可以稱得上係一對"無飯"夫婦, 平時多數出街食, 不過食得多都厭啦! 於是係時候要諗吓係屋企煮飯仔喇! 事前我都有做定準備功夫o架! 就係上網搵吓啲Recipe, 學吓人哋整啦!
禽日我下午去咗街市買餸, 因為已諗定煮咩野, 所以去到好快就可以買齊哂材料喇! 我由下午五點開始醃雞翼, 肉片同免治豬肉, 跟住就準備其他材料, 由於我比較生手, 所以攪到差唔多八點先有得食呢! 好彩小馬好有耐性無催我啫!好期待!!! 我親手煮o既第一餐飯出場喇!
個賣相係咪好得呢! 有三餸一湯
蒜蜜味雞翼及雞槌
麻婆豆腐
鹹蛋肉片冬瓜湯
撈起啲瓜, 又可以當一碟餸喇!
飯後果 ~ 車厘子
由於呢次係我第一次煮飯, 所以都有啲緊張架! 驚煮咗出黎唔食得, 又驚小馬話難食喎! 點知小馬見到個賣相都話唔錯呀! 當佢食o個刻, 我就好期待佢o既comment 呀! 小馬話個湯好好味, 而雞翼個味都唔錯, 但豆腐個味就爭少少喇! 我話係用"李錦記"o既麻婆豆腐醬整o架! 應該穩鎮喎! 佢安慰我話應該係個醬唔得啫! 下次可以用豆辦醬都得o架! 不過, Overall 都好好呀! 第一次有咁o既效果真係唔錯喇! 仲有, 佢仲添多碗飯呢!
多謝小馬鼓勵我, 俾咗我咁大信心, 起初仲驚自己煮唔掂, 我會努力俾心機, 下次再煮餐更好o既飯俾小馬食呀!
加油呀!