第五天 (14 Oct 2009)
涉谷 => 自由之丘 => 新宿
體驗了兩日上山下海o既箱根旅程, 遠離煩囂, 走進大自然, 今日又走回東京市內, 主要係食同shopping, 好好享受我剩餘o既假期.
由於我哋太攰了, 所以今朝遲咗起身, 不過好彩仲有早餐食! 我哋去咗Lumine內一間買麵包o既cafe食, 柯打咗啲三文治, 好好味呢!
Vie De France ~ 見到好多麵包, 好多都想試呀!
另一邊就可以坐低嘆早餐
食飽後, 就起行喇! 今日首站o既地方係涉谷, 我哋係新宿搭JR, 經山手線到涉谷
係涉谷站內
出咗駅, 見到Smap喎!
行出涉谷駅, 未過馬路就見到QFront了! 呢個地段好旺好多人呀!
我哋先行涉谷109, 呢度齊備潮流指標的服飾, 係度買咗份禮物送俾朋友, 而其他就唔係太啱我呢! 純粹見識吓!
之後行Seibu, 係呢度就有收穫喇! 仲做埋退稅tim! 行到攰了! 要搵食休息吓喇! 打算去美登利壽司, 行去Mark City途中見到呢架車泊係涉谷駅外
仲見到呢位Lolita打扮o既少女呢!
駅外有Smoking Area, 咁啲人咪唔駛周圍食煙law!
到了MarkCtiy, 搵到美登利壽司, 但我哋太晏了, 連last order都無喇! 咁唯有今晚再o黎幫襯啦! 於是我哋轉軚去"一蘭"食拉麵, 涉谷分店係basement
"一蘭" 真係一間好特別o既拉麵店, 全程不用與店員對話, 先在店外食券機買食券, 要了兩個拉麵, 我哋再加多半熟鹽烚蛋兩隻
之後根據空席案內板指示, "空"字燈亮, 即係有位, 可以自行就座喇! 係無人帶位o架~
坐低後可以填拉麵成份表
因應自己口味圈上, 填好再按前面個鍵叫店員收食券同成份表, 就可以等食喇! 本身我哋唔識睇o架! 全靠旅遊書o既詳細說明先識填呢~
先o黎隻烚蛋
筷子套上附印柯打紙, 如要追加, 可以圈上再按鍵叫店員收就得喇~
座位後面有衣架可以掛褸
我覺得呢度好似自修室, 一人一格, 用塊板間開, 食麵都要有私穩呢~
等咗一陣, 個麵o黎喇! 好吸引呀! hehe!!! 隻蛋係我加上去o架~ 係糖心蛋呀!
店員遞上碗麵之後, 就會拉低前面塊簾, 感覺好似係間密室食野咁!!!
拉麵好彈牙, 湯底好正, 糖心蛋又好味, 好想食多碗呢! 不過都係留吓肚食其他野先~
食飽又係時候shopping 喇! 呢度有間Disney Store, 外面好靚喎!
去咗0101 行, 可惜無收穫!
再行Parco, 不過又係空手而回!
行完就要趕去下一站 - 自由之丘喇! o個時外面開始有微雨, 我哋落番涉谷駅, 打算搵東急東橫線, 但可能心急得滯, 行錯咗, 本來可以經連接通道過東急東橫線o架! 後o黎都搵到, 不過要浪費咗一程車費law!
我哋上車喇! 向充滿歐陸色彩o既自由之丘出發!
From your blog, I know that you have been Japan in 2009. I will travel to 東京&箱根 by myself (this is my first time to be there not with travel tour). I..
From your blog, I know that you have been Japan in 2009. I will travel to 東京&箱根 by myself (this is my first time to be there not with travel tour). I saw you were well perpared, may I have your itinerary? I think it is very difficult to travel around. Where can I find more information of travel from 東京/新宿 to 箱根?? Do you have any information can share with me?
Thanks & Regards,
Leona