24/9 ~ 呢個星期開始出現妊娠反應喇.... 見咩都唔想食, 就算平時鍾意食既o野都食唔落, 連水都唔想飲, 成日口淡淡, 買咗啲咸濕野食吓就好啲, 每日三餐對住面前o既食物都好似誓願咁, 食完個胃仲辛苦, 頂住想嘔, 但又嘔唔出喎~ 我已經食得唔多o架喇....
口味方面都轉咗, 鍾意食少少辣野, 酸野就更加好啦! 仲有突然好鍾意食豬柳蛋漢堡, 一唔想食野就買o黎食o架喇! 飲品方面, 我之前好鍾意飲檸水, 依家又轉咗飲熱可力先飲得落喎! 希望快啲有番胃口啦! 因為驚阿b吸收唔到呀~
身體狀況方面, 個人好易攰, 無咩精神, 成日想係屋企休息, 我以前好鍾意出街o架! 自從懷孕後, 就想留係屋企瞓覺, 可能怕係街會俾人撞到啦~ 而且之前陀得唔係咁隱, 都想休息多啲! 加上子宮兩邊間唔中都左右輪流扯痛, 我成日同自己講可能阿b長大緊啦! 同埋出現尿頻, 尤其是夜晚瞓瞓吓, 要起身去厠所, 上番牀又唔係好瞓得著, 仲有晚晚發夢, 我以前可以一瞓落牀就到天光(唔會發夢), 依家就晚晚瞓得唔好, 最慘朝早早起身返工, 所以睡眠質素極差.... 睇o黎又排都無覺好瞓 lur~
淨係2個月半-3個半月時睇左.穩左之後都無再去睇.因為真係唔平.每次8百左右,一星期藥(煲埋),睇左3次都要2千幾,再睇就好窮喇,所以穩左之後無睇LU~
同埋我聽人講唔好飲可力,你飲華田好d.檸檬食物都唔好食.(我都唔知點解,係個生完bb的朋..
同埋我聽人講唔好飲可力,你飲華田好d.檸檬食物都唔好食.(我都唔知點解,係個生完bb的朋友同我講)我之前一路都淨係飲熱檸水,而家先知唔飲得.haha
我晚上都好多toilet 要去~不過去完又好快訓得番~ 但真係晚晚都有夢發~ 好痛苦~~~~