11/10 ~ 未有bb之前, 已經同老公傾咗, 到我有bb後, 要去私家生o架! 咁老公都話OK, 但另一方面, 都要係政府醫院登記做產檢, 以防有突發事情醫院都收我呀! 所以依家除咗係私家產檢外, 我知道有咗後, 都好快sent 資料去政府醫院登記, 我揀咗東區醫院, 雖然唔近屋企, 但近我娘家, 而且東區o既產科comment都唔錯! 當日好快收到通知約我第一次產檢了!
約咗10:00, 老公陪我去, 登記後要等, 坐係度有video 放俾我哋睇, 主要講驗血同埋驗Oscar o既重要性, 之後姑娘派啲資料俾我哋入間房到等, 講吓今日主要係抽血檢驗, 約照Oscar時間, 跟住出番去等見姑娘, 等咗差唔多一個鐘, 入去姑娘問我最後經期日, 講咗預產期俾我, 之後再去另一邊約下次覆診時間, 同埋拎驗血樽仔, 再去另一邊抽血, 我好怕抽血o架! 所以未抽之前同定姑娘講我好驚又怕痛, 咁佢就同我傾計分散我主意力, 又同我講唔痛o架! 可能佢手勢好, 真係唔痛喎! 抽完就入房約做 Oscar時間, 好彩約到係番東區做, 因為人手問題, 有啲媽媽要去QE到做, 做 Oscar當日我已經12weeek5了~
完成哂時都已經下午一時了, 足足攪了三個鐘, 最悶係我老公, 其實都唔明點解要咁耐, 等到我都發呆了, 大部份時間都係坐係到等, 不過無辦法啦! 因為實在太多人了, 尤其是好多國內媽媽, 好彩姑娘會寫番張到診紙, 我可以請sick leave, 唔駛特登請假呢!
唔係3D/4D架, 係2D, 同平時的超聲波機咁, 不過放得大D清楚D...
我都POST左今日照結構D相係BLOG, 你可睇下....
大家互相交流嘛!
我係仁安照得相咋, 我諗係翹康先有DVD, 我搵左羅國明醫生照...
我今日去左仁安照結構喇, 你BOOK左幾時呀?