3/1 ~ 兩年前的今日, 我與小馬結為夫婦, 當日o既所有情景, 都今天都仍然銘記於心, 今年我懷有我們的孩子, 大家將會迎接另一新階段, 家庭將由兩人變為三人, 真的很期待呢! 咁橋私家約我哋呢日去照結構, 很開心可以係咁有意義o既日子見小小馬呀!
雖然我已經係政府照咗結構, 但都好期待呢日, 約咗10:30 上翹康, 今日book 咗羅國明醫生, 咁早翹康已經有好多人係度喇! 我先量血壓, 磅重同驗小便, 等咗半個鐘, 就可以入去了! 一入去, 醫生話我o既小便有少少問題, 照完要再驗過, 唔係呀o麻.... 醫生幫我逐part好詳細咁睇, 今日小小馬都好乖好合作喎! 見到佢都多多動作, 尤其是對腳好active, 醫生有逐隻手指腳指數, 五官都睇埋, 無兔唇, 鼻骨都正常, 而內臟每part 都講齊, 一路講一路有姑娘mark低, 一定唔會漏啦~ 羅醫生有幫小小馬度size, 全部都 pass, 我老公坐係側邊睇得好入神, 哈哈... 唔知佢睇唔睇得明呢! 我就一啲啲啦~ 最緊要醫生話無問題就得喇! 當然最後醫生都有睇埋小小馬o既性別, 結果同政府醫生同盧醫生所講都係一樣呢! 全程照咗半個鐘, 又要等一個月後先再同小小馬見面喇....臨出去時, 醫生好慎重叫我再驗多次小便, 但我剛剛去完, 無咁快o架喎~ 唯有勁飲水, 坐多一個鐘等啦! 之後我再去留小便俾姑娘, 又等咗一個鐘先有結果, 好彩最後無事, 嚇得我....攞埋報告同DVD, 交埋錢就走lur~ 睇番個report, 一切正常, 真的很感恩呢!
出年o既結婚週年真的很不同, 會有我們的孩子與我們一起慶祝, 想起都感到幸福呢! 由於今年我陀住小小馬, 我哋唔會出外旅行, 只有係香港渡過, 於是我哋book 咗夜晚去食至愛o既日本野~ 爐端燒, 好好o既和牛呢!
前菜 ~ 沙律
鹿兒島和牛/岩中豚肉/牛肋骨肉/牛仔骨/雞肉/牛舌
燒呀! 燒呀!
Yummy....
好正o既和牛呀!
雜菜稻庭烏冬
雜錦海鮮鍋
好豐富好滿足的一餐
好似買廣告 tim!
食完又再食過, 就係久違了o既Crepe 喇~ 好掛住係日本食o既 Crepe 呢!
忍咗好耐, 好想食呀! hehe....
小馬都食得好滋味呢~
今日過得好開心, 多謝老公, 我真的感到好幸福呢!
我估BB係囝囝! 幾時公開呀?
唉...唯有乖乖留港消費啦.
出年3人行,諗起都開心呀!