搭咗大約11分鐘, 我哋就到咗自由之丘喇! 天色也開始黑了!
自由之丘是一個很特別的地方, 由走出車站一刻開始, 感覺便不太像東京, 呢度沒有東京咁繁忙而多了份悠閒, 沿途都是各式雜貨小店及特色咖啡店, 更有不少具歐洲格調的建築, 很有度假 feel, 顯現日本人精緻文化的品味.
我哋o黎自由之丘的目的是到La.Vita參觀, 同埋到Sweet Forest食cake. 由正面口出, 一直向前行, 大約15分鐘就到La.Vita了, 可惜之前因行錯路, 要問路, 浪費咗15分鐘.
La.Vita 是自由之丘內一個極小的主題購物區, 特別之處是環境模仿水都威尼斯, 係度影相就最好不過喇!
其實呢度好細, 一眼睇哂, 所以我哋逗留咗15分鐘就走了! 跟住由另一條路行番去車站, 沿途見到很有創意o既雜貨店
亦有很多歐陸咖啡店, 可惜時間較趕, 如果可以坐低歎番個high tea就好了!
起初又行錯路, 好彩唔駛搵好耐, 終於到了 Sweet Forest 喇!
Sweet Forest 是東京首間甜品主題館, 有啲似美食廣場, 當然呢度全部都係賣甜品啦! 場內以小森林為題, 感覺彷如置身於童話森林呀!
Sweet Forest 內有8間甜品店, 各有特色, 真係花多眼亂, 間間都想食, 不過胃就只得一個, hehe!!!
最後揀了呢間o既 cake, 個樣好吸引呀!
Strawberry Cake ~ 蛋糕好軟身, 入口即融, 加埋啲cream 食都唔覺得膩呀!
Chestnut Cake ~ 上面果粒栗子好大粒o架! 蛋糕鬆化, 配合入面啲栗子蓉仲好好味 tim!
出面仲有露天座位
歎完咁美味o既 cake後, 係時候走喇! 希望下次o黎東京, 可以再番o黎食過其他好味o既甜品啦!
我哋搭番東急東橫線番涉谷, 本來想去美登利食壽司, 但諗諗吓, 聽日我哋都去築地, 唔想食得咁密, 所以無去到. 於是我哋番新宿, 去咗小田急百貨食品部, 打算買野食番酒店.
行咗個 round, 買咗兩個飯糰, 一盒壽司, 一個即煎蛋炒麵, 番到酒店仲熱辣辣o架!
今日的戰利品!
食飽後, 我哋都好早休息, 因為聽朝要好早起身去築地, 下午又要去淺草, 行程緊密呢!
沒有留言:
張貼留言