小馬同班兄弟上到o黎喇! 比原定時間遲咗, 所以姊妹會刪減一個遊戲, 希望可以準時九點前出門啦!
知道佢哋o黎咗, 我偷偷望吓先!
小馬: "老婆, 我o黎咗喇!" , 姊妹玩野話聽唔清, 要佢再嗌多次, 哈哈!
係未玩遊戲前, 大家先要穿上孖煙囪, 一定要著上去先可以開始呀!
佢哋都要乖乖地就範啦!
遊戲(一) 整咗早餐俾你食
見大家未食早餐, 就每人俾一份Wasabi夾心梳打餅醫吓肚先啦!
睇o黎真係好辣喎! 見佢哋食到個樣, 哈哈!
AG Grace 真係好人, 幫班兄弟, 話係女家食野要有餘有剩先係好意頭, 所以佢哋好彩唔駛食哂喇!
佢哋飲番包Lemon Tea舒解吓先! 睇吓班姊妹, 玩得不知幾好開心呀!
遊戲(二) 大四喜
限時內要係裝有冰粒同麻雀o既盆內, 有腳趾夾副大四喜牌出o黎(失敗係唔夠冰粒呀!)
兄弟們派飛雄出o黎玩, 佢對麻雀非常熟悉, 佢一除鞋, 嘩! 好臭呀!
其實係Grace叫班姊妹扮野, 事實係唔臭o既!
小馬幫手搵牌, Grace叫飛雄要夾剩隻"索子"及"南", 留番俾小馬夾, 寓意"一索得男"喎!
飛雄好快夾哂, 到小馬喇! 最攪笑係佢夾咗一陣話隻腳趾抽搐, 都唔知係咪玩野! 後o黎姊妹話因為佢要定住腳趾影相, 所以真係抽搐呀! 哈哈!
小馬夾到喇! 睇佢幾得戚! Grace仲幫佢擺好隻牌先影相呢!
遊戲(三) 向老婆表達愛意
預先係啲糖上噴上cream, 新郎及兄弟要以掌上壓方式, 用口搵出啲糖, 再放係另一隻碟上, 並砌出心型狀, 如過程中用手, 就要罰喇!
兄弟派咗阿成迎戰, 咁啱阿成係PE sir, 掌上壓難唔到佢! o黎個單手舉"V"手勢先!
阿成話唔易呀! 因為落個下要搵啲糖, 都幾攰! 不過佢都算快搵齊哂!
哈哈! 圍住成個嘴都係cream, 睇落似剃鬚膏多啲喎!
到小馬喇! 班姊妹竟然放過佢唔駛用掌上壓o黎玩, 後來醒起小馬手臂有舊患, 所以佢先可以免咗咋! 不過見佢個嘴沾滿cream都覺得好攪笑喇!
好認真咁搵糖, 但犯規用手整, 陣間實要俾人罰 lur!
到算成功砌到個心喎!
因為用手整咗兩次, 所以要食兩粒....... 榴槤糖啦! 呢樣係小馬至憎o架! 嘻嘻!
睇小馬就知佢好怕榴槤糖, 派咗肥仔出o黎頂番一粒先!
係咪好好味呢! 不過又係Grace幫口, 免咗唔駛食!
小馬以為已經過哂關, 就叫兄弟拎張道具支票出o黎玩番班姊妹, 雖然我o既姊妹唔知有呢樣道具, 都有啲驚喜, 但佢哋唔會咁快放過小馬o既, 收咗先再玩過啦!
遊戲(四) 愛的宣言
最後要過關梗係唔少得讀番篇愛的宣言啦!
小馬開始讀, 等我聽吓先! 佢讀完一次, 姊妹要佢大聲啲讀多次, 我係房都嗌:"大聲啲"!
今次兄弟幫手做埋和音,勁攪笑呀! 姊妹聽到好開心喎! 當佢哋讀完之後, 竟然爆肚唱咗另一首歌: "無自由, 失自由, 傷心痛哭我眼淚流, 我行錯步, 我差錯步, 早知心傷透", 即時個個都笑爆咀, 擺明佢哋玩野啦! videoman叫佢哋唱多次, 順便錄埋呢段呢!
唱完不知幾得戚!
佢哋想衝入房喇! 即時班姊妹攔截佢哋, 開門利是都未俾就想攞人, 你就想!
最後小馬梗係要俾啦! 成功交收喇! 你睇姊妹見錢開眼, 即時開o黎check吓啱唔啱數先!
姊妹攞哂啲錢出o黎哂吓, 兄弟成功幫小馬抱得美人歸喇! 大家都 happy, 哈哈!
小馬敲門, 我好緊張, 阿爸開門喇!
阿爸帶我出o黎, 交俾小馬, o個刻真係好感動! 阿爸仲祝我哋百頭到老, 感情百年都不變!
之後小馬上演一幕求婚記, 我梗係好開心接收哂啦!
完全可以feel到你地既歡樂^^
SORRY...不過我想問你既攝影師收費如何喲...
可以比佢既資料我嗎??
佢影得好好呢!!