之前實在太懶喇! 連我哋o既Honeymoon之旅都仲未寫完, 我要加把勁寫番哂先!
7/1 ~ 朝早我哋又去番酒店餐廳食早餐buffet, 可能禽晚無咩點食野, 所以今朝有啲肚餓呀! 我哋揀窗口位坐, 仲可以好清楚睇到洞爺湖o既景觀, 食都食得開心啲啦!
小馬都好好胃口喎!
食飽後, 見仲有時間, 就落去外面影吓相先!
四處都白濛濛, 但我覺得好靚呀!
咁啱有pair團友又落o黎影相, 我哋先影到合照咋! 下次去旅行真係要帶埋腳架, 影合照方便好多呢!
其實出面好凍o架! 所以影咗幾張後就番入去 lur! 始終裡面有暖氣吖o麻!
之後我哋向小樽出發喇! 由於車程較長, 中途有停低俾我哋休息, o個度有個休息站, 有野食買, 仲有免費綠茶飲 tim!
到達小樽了! 呢度環境好浪漫呀!
第一站 ~ 水晶音樂城
外面有個蒸氣鐘, 每隔十五分鐘就會"嗚..嗚.."響o架!
我哋係度等佢響 ~ 等到了! 出緊蒸氣喇!
我哋入去, 嘩! 四處都係音樂盒, 仲有好多款, 琳瑯滿目, 真係好靚呀!
如果唔想買現成o既音樂盒, 可以揀自己鍾意o既零件同音樂, 就可以自製一個獨一無二o既音樂盒喇! 不過要預時間整, 由於我哋係跟團, 所以無咁多時間, 我想爭取時間去其他地方參觀呀! 最後我都買咗呢個音樂盒, 細細size都要幾百蚊, 真係唔平呢! 不過好靚好鍾意呀!
入場參觀都有禮物收喎! 就係朱古力呀!
跟住我哋就去第度行! 之前傅san 話去銀之鐘飲野就會有Kitty杯送, 我梗係唔會放過啦! 本身有三個館都有coffee飲, 我哋行經一號館,
外面有個 Kitty, 我又要同佢影張合照先!
由於一號館較多人, 我哋去咗二號館, 上到去咁啱都見到pair團友, 佢哋飲完準備走, 不過好好都幫我哋影咗張合照呢!
我哋買咗呢兩杯drink, hehe! 我揀咗兩杯都係Kitty o既杯, 左面o個杯係小馬o既 coffee, 右面o個杯就係我 o既 iced tea 喇! 真係好, 買野飲仲送埋件cake! 又有得添飲, 同埋飲完隻杯仲可以帶佢番屋企呀!
超開心呀!
haha! 好似成間cafe我哋包哂!
歎完後, 要趕快去買手信喇! 就係"北菓樓" o既妖精蛋糕, 有啲似卷蛋, 但中間係一層一層咁, 試食過, 好好味呢!
外面睇真係幾特別
之後我哋又要趕去食雪糕喇! 有咩咁特別?
就係要試呢個六層雪糕 law!
我哋買咗一杯兩份食, 六種味道: 綠茶, 牛奶, 朱古力, 蜜瓜, 焦糖同酒
食食吓都覺得飽飽地, 陣間仲要食lunch tim!
好犀利呀! 仲有十二層雪糕呀! 不過就唔敢試 lur!
食完雪糕, 差唔多時間集合喇! 我哋沿住呢條路行番去停車場, 沿路見到間買酒o既舖頭
又有間專買玻璃物品, 呢個係"不會滴漏的醬油瓶"
又有一間賣雪糕o既店子, 不過賣六層雪糕o個間較出名
集合之後就帶我哋去呢度食lunch喇!
今餐係食烤肉, 要俾心機等佢烤熟
嘩! 食得喇! 熱辣辣, 正!
仲有飯, 烏冬, 蒸蛋同炸雞
食完真係好飽呢! haha! 可能之前食咗太多野啦! 下站我哋就會去小樽運河, 玩雪上單車, 同埋番"東X遊" 獨家溫泉酒店 ~ 菓子王國溫泉酒店浸溫泉呀!
但我去的時候是夏天尾...看到的北海道還是七彩繽紛的...
但白色的北海道, 也真的有另一番味道! 我也希望可親身感受一次白色的北海道!
見到你既ice-cream好似好好味喎, 我都想食呀!
你剛去完返來? 好似好凍咁既, 而家北海渡不是夏天嗎?
你好熟面口呀, 我唔知係邊度好似見過你呀!
等..
見到你既ice-cream好似好好味喎, 我都想食呀!
你剛去完返來? 好似好凍咁既, 而家北海渡不是夏天嗎?
你好熟面口呀, 我唔知係邊度好似見過你呀!
等我慢慢睇埋你其他post先 ^.^