食完 lunch, 我哋就向小樽運河方向行去, 冬天o黎好正, 四處都舖滿雪, 感覺好浪漫呢!
呢度係必拍位置
今日只有0.9度咋!
如果可以夜晚o黎, 雪景加夜燈, 仲正呀! 希望有機會再o黎呢度啦!
我哋向前行, 見對面呢座野叫 "出拔之小路"
再行前啲, 見到呢個南瓜小樽屋
係時候要離開小樽喇! 我哋要係小樽留低我哋o既足跡, haha~
離開小樽, 我哋向山上進發, 因為下一個節目係玩雪上電單車, 呢個自費項目, 大多數團友都會玩, 咁難得o黎到, 而且好少機會玩到, 梗係要試吓啦! 不過我自己唔敢駕駛一架車, 驚開得慢阻礙後面o既車, 於是同老公坐雙人車, 多謝誠惠Yen 15,000.
大家出發前, 要換上雪褸, 褲同鞋, 同埋戴上頭盔, 由指導員帶領我哋向山上出發. 老公負責開車, 我坐係後面, 感覺好正呀! 可能我哋處於高位, 空氣好清新, 環境又正, 四處都是白色一片片, 不過開始下起雪來, 啲雪飄埋o黎, 都幾凍o架! 上到山上, 我哋停下來, 等齊其他車先! 嘩! 呢度真係好適宜玩雪上電單車, 因為環境好, 夠大, 無咩野阻擋, 可以係度飛馳呀!
由山上腑視山下o既北海道, 都是白濛濛的.
係咪好型呢!
其他團友o既車
呢架係單人車, 扮吓野先!
雙人車型好多o架!
小馬傻咗呀! 扮懞面超人
佢仲成個人瞓落個雪地度~
我都唔執輸, 不過瞓得好肉酸, 個雪地好舒服喎! 真係唔願起身呢~
成地都係雪, 隨手都可以拿起一堆雪, 好玩呀!
小馬話想擲雪喎!
攪完一大輪, 指導員話可以開始喇~ 我哋上番車, 沿著指定路線行, 當然有啲團友揸多兩轉, 已經開得好快了~ 而小馬話好刺激, 都話要開快啲, 我攬實佢, 尤其轉彎位, 好驚飛咗出o黎呢! 係度玩咗差唔多成粒鐘, 指導員話要落山喇~ 因為冬天好快天黑, 要係天黑前落山o架! 原本雪上電單車係咁好玩, 可以對住咁正o既環境真係好爽, 啲風吹埋o黎個feel又好正~ 揸揸吓跌落雪地又唔會整傷, 如果下次可以再o黎, 我會自己揸一部車o架喇!
上車後, 我哋番酒店 lur~ 今晚住EGL獨家溫泉酒店 ~ 菓子王國溫泉城, 呢度真係唔錯喎! 房內又送上菓子小食及啫喱
房間都幾大
休息咗一陣, 落去食buffet 喇~ 因為早啲食完, 就早啲去浸溫泉, 正呀! 搭 lift 落去, 可以望到下面食buffet o既餐廳
我哋入去之前, 四圍行吓先!
好多款 cake呀!
由好多對鞋仔組成o既cake
見到師傅好專心咁整蛋糕
呢間餐廳感覺無咁侷促, 因為樓底好高好高呀~
用餐環境又正
我哋就係搭呢啲 lift 喇!
呢度buffet o既款式唔夠洞爺湖酒店o既多, 不過我都顧住食, 好少影相
食飽後, 我哋上番房, 準備去浸溫泉, 我同小馬各自去浴場浸, 浸完約定時間係出面等, 女士溫泉場都好大, 仲有露天風呂, 我先去沖身, 係北海道浸溫泉, 淋浴露多數用馬油o架! 我浸完入面o既溫泉, 就出去露天浸喇! 不過行出去o個吓, 真係要好忍得, 因為出面好凍, 而且仲落緊雪呢! 好好 feel呀! 咁大個女都係第一次係日本落住雪咁浸溫泉, 真係好似以前睇旅遊節目介紹咁呀! 一路浸一路望住上面個夜空, 啲雪一粒粒咁飄落o黎, 外面冰凍, 但坐係木筒浸住暖昱昱, 我將隻手遞出去接住啲雪, 好難忘o既一晚呀!
浸完我就出去會合番小馬番上房, 浸完真係好舒服, 今晚我哋都好好瞓呢!
- Red apple
你預產期幾時呀？你個blog有冇鎖到呀？定係冇update ar?回覆 - 幸福潘師奶
好掛住北海道呀........haha回覆 - 小恩子
it's very cold, but seems happy and exciting!回覆
