熹熹 + 熹熹媽媽 + 小馬爸爸 = 快樂的家: 有助長胎的食物

有助長胎的食物

2011年1月9日下午4:11公開累積瀏覽 9798

未有bb之前, 我一向都唔鍾意食雞蛋, 芝士, 牛肉, 乳酪同飲鮮奶, 可以話完全唔食, 因為怕肥,但依家有咗, 為咗小小馬o既健康著想, 想佢長胎, 我就開始每日都食呢類食品, 另外由我兩個月時, 每星期都會飲花膠湯同魚湯, 呢啲都係對bb有益的, 係度要多謝我媽咪同奶奶, 好好心機煲湯水俾我飲呢!
自從有咗後, 我的便便差咗好多, 所以醫生唔俾我食Materna, 不過都依然難去厠所, 於是我嘗試食乳酪, 食完第二日又真係去到喎! 所以我成日去超市買佢番o黎食o架!

好長胎的花膠湯

攝於Week18 Day1

訂閱回應RSS摘要

Yahoo! 用戶
- Yahoo! 用戶
- 2011年4月4日下午7:06
遊戲天堂 - ←點我進入~^^
美女視訊聊天美女視訊聊天美女視訊聊天美女視訊聊天美女視訊聊天美女視訊聊天美女視訊聊天美女視訊聊天美女視訊聊天美女視訊聊天美女視訊聊天美女視訊聊天..

遊戲天堂 - ←點我進入~^^
美女視訊聊天美女視訊聊天美女視訊聊天美女視訊聊天美女視訊聊天美女視訊聊天美女視訊聊天美女視訊聊天美女視訊聊天美女視訊聊天美女視訊聊天美女視訊聊天美女視訊聊天美女視訊聊天美女視訊聊天美女視訊聊天美女視訊聊天美女視訊聊天美女視訊聊天美女視訊聊天美女論壇

 回覆
阿糖
- 阿糖
- 2011年1月16日下午9:40
恭喜你呀!!.

回覆
- 熹熹媽
  - 熹熹媽
  - 2011年1月17日下午1:14
  多謝呀!
Rachel Kwan
- Rachel Kwan
- 2011年1月11日下午4:06
我又係好難好廁所，但係飲親牛奶都瀉，萬試萬靈，所以幾時想去就飲牛奶....:p

回覆
- 熹熹媽
  - 熹熹媽
  - 2011年1月12日下午2:09
  係呀! 有啲人個胃唔受得, 飲奶就會瀉o架喇! 咁我就無呢種情況, 只係食乳酪先去得好啲....
Money
- Money
- 2011年1月10日下午12:30
我冇咁講究呀, 花膠最初都有食少少, 但後尾唔鐘意個味, 所以叫阿媽唔好再煲..... 而家通常番阿媽度, 都會飲下魚湯, 不過一星期先飲一次左右, 其實未必好夠.... 哈.... 我以前去便便冇咁好架, 而家反而好過以前..

我冇咁講究呀, 花膠最初都有食少少, 但後尾唔鐘意個味, 所以叫阿媽唔好再煲..... 而家通常番阿媽度, 都會飲下魚湯, 不過一星期先飲一次左右, 其實未必好夠.... 哈.... 我以前去便便冇咁好架, 而家反而好過以前好多, 日日都有一次, 都唔知點解......

回覆
- 熹熹媽
  - 熹熹媽
  - 2011年1月10日下午1:29
  飲魚湯都好有益o架! 如果一星期飲到兩次就最好....咁你又好喎! 便便暢通, 我去親都好辛苦, 後o黎食咗乳酪先有改善咋!
大人和大仔
- 大人和大仔
- 2011年1月10日上午9:05
咁多樣野其實我最憎係飲牛奶...所以而家都係有時飲牛奶有時飲鈣思寶... 芝士同牛肉我都好中意食架~ 而家食得仲多呢~ 我盡量每日都會飲奶/ 鈣思寶, 其他幾樣食到就食~ materna 我都有食呀, 兩個月時睇醫生醫生叫..

咁多樣野其實我最憎係飲牛奶...所以而家都係有時飲牛奶有時飲鈣思寶... 芝士同牛肉我都好中意食架~ 而家食得仲多呢~ 我盡量每日都會飲奶/ 鈣思寶, 其他幾樣食到就食~ materna 我都有食呀, 兩個月時睇醫生醫生叫我夠三個月就自己買黎食, 不過有左以黎我都去到便便喎....都係一日一次, 有時會一日兩次添!
你知道係仔仔定囡囡未呀?

回覆
- 熹熹媽
  - 熹熹媽
  - 2011年1月10日下午1:25
  我都係最唔鍾意飲奶o架! 好怕個種味, 不過為咗阿 b, 就一定要飲啦! 我都想飲鈣思寶, 但因為有大豆成份, 我受唔到涼, 所以唔敢飲呀!
  醫生知我便便唔得, 所以分開俾鈣丸+維他命我, 唔俾Materna我呀! ..
  
  我都係最唔鍾意飲奶o架! 好怕個種味, 不過為咗阿 b, 就一定要飲啦! 我都想飲鈣思寶, 但因為有大豆成份, 我受唔到涼, 所以唔敢飲呀!
  醫生知我便便唔得, 所以分開俾鈣丸+維他命我, 唔俾Materna我呀!
  hehe... 我知道小小馬o既性別喇! 下一兩篇講照結構, 我就會開估喇!
♂JoEy
- ♂JoEy
- 2011年1月9日下午10:09
但如果你打算餵人奶就唔好飲太多花膠湯,適量就ok,因為花膠膠質勁,會令到乳線閉塞ga~
yogurt就好,我都有食~hehe

回覆
- 熹熹媽
  - 熹熹媽
  - 2011年1月10日下午1:18
  係o架! 呢樣真係唔知呀! 不過我每次o既份量都唔係好多, 應該OK o既....
Small i
- Small i
- 2011年1月9日下午9:47
為左bb，真係食多d有營養的食物~

回覆
- 熹熹媽
  - 熹熹媽
  - 2011年1月10日下午1:17
  無錯! 所以我依家每日都一定會食有營養o既野o架!
Red apple
- Red apple
- 2011年1月9日下午7:57
為左bb我地要食有益既野呀

 回覆
- 熹熹媽
  - 熹熹媽
  - 2011年1月10日下午1:14
  係呀! 所以依家食野前都會諗一諗啲食物有無益先!