Check-In 後, 上房擺低行李同影吓相就出去喇~
去玻璃之森, 只需係雪月花對面搭觀光巡環巴士就可直達門口, 非常方便呢! 
觀光巡環巴士 ~ 途經小王子博物館, POLA美術館, 仙石原, 總站係御殿場, 只要持有 freepass 就可免費乘搭喇~
車程大約15mins, 就到達玻璃之森了~
我已經被門外幾棵玻璃聖誕樹吸引住了~ 閃令令呢! 由於我哋去到已經四點了, 沒有陽光,相信在陽光照耀下, 一定更加閃爍亮麗.
入去買飛先! 原價Yen1300/人, 記得好似持有freepass, 有discount.
一入場館, 是個池景庭園, 好有歐洲小鎮 feel, 呢個景好靚呀~
湖上的裝飾都係由玻璃製成
光之回廊 ~ 好似一道瀑布呀!
身置其中, 感覺好浪漫呀~
由一粒粒玻璃組成, 好閃呢~
近看玻璃仲靚~ 折射了唔同顏色
之後我哋去參觀展覽館, 裡面展現出不同年代的玻璃製品風格
古代玻璃藝術品
美術館主樓是為中世紀歐洲華麗風格裝飾的展示廳
製作玻璃品的過程
呢度有好多作品, 以15-18世紀的玻璃擺設品為主
呢個好有趣呢!
走出古代展覽館, 進入現代玻璃藝術館
連接展覽館, 就係玻璃精品店, 每樣都好精緻, 而價錢就豐儉由人, 不過參觀呢度真係戰戰兢兢呀! 因為好驚行過會撞到啲玻璃品呢~
睇完咁靚o既精品, 出去又見到啲玻璃聖誕樹, 真係太靚太吸引喇~ 我都要註足幫佢影咗好多相呢!
由於我o既攝影技巧有限, 未能夠全面咁展現出o黎, 不過所有美麗影像都已經記在我心中了!
走出精品店, 有條樓梯向下走, 可欣賞到其他玻璃品, 例如呢個愛誓之鐘, 敲了一定會帶來更多幸福呢!
睇完上o黎再四圍參觀, 呢間小屋內是售賣果醬, 繼續行會見到館內的餐廳
我哋行咗差唔多一個鐘, 閉館前15mins前行哂, 大致上都參觀哂喇! 雖然參觀o既地方唔係好多好大, 但內裡o既展品真係好靚, 所以都值得o黎呀!
離開玻璃之森後, 係觀光巡環巴士站見到有架車剛剛停站, 我哋更係飛奔過去啦! 想趕快番旅館呀!
謝謝你