第七天 (16 Oct 2009)
上野 => 新宿 => 東京鐵塔 => 六本木
今日已經到第七天了, 即係聽日就要番香港, 好唔捨得呀! 唯有呢兩日好好去enjoy 啦!
朝早都係過酒店斜對面間cafe食早餐, 小馬話鍾意飲佢杯咖啡喎!
今日早上會去上野, 首站係上野公園, 由新宿搭去上野都幾遠o架~
國立西洋美術館
如果櫻花季節o黎呢度賞櫻, 一定好靚啫!
見到有少少紅葉, 過多一個月, 相信已經滿佈紅葉了!
感覺好悠閒, 仲見到有好多學生, 原來佢哋係去上野動物園
東京文化會館
我哋只係行咗一陣, 之後就行去阿美橫丁喇~
好熱鬧喎! 呢度都有好多野買, 林林總總, 啲野又唔係好貴, 行行吓都有啲收穫呢!
我哋見到夾公仔機, 玩咗三舖都夾唔到, 真失敗! 之後又四圍行去~
o黎到二木之菓子, 梗係買手信啦! 真係有好多野食買, 不過大部份依家香港都有得買, 所以唔係買咗好多, 加上Yen貴, 分分鐘鐘係香港仲平啲!
專登o黎呢度幫細佬買高達模型, 呢度有好多層, 有啲似 Kiddy Land
行完哂要走喇! 返新宿放低野先再出去~
返到酒店再出o黎都兩點幾了, 好肚餓呀! 唔想行咁遠, 我哋就去咗JR駅內地下街食拉麵
唔知係咪肚餓得滯, 覺得好味, 不過食真啲, 我都係鍾意一蘭多啲!
老公o既拉麵, 好多肉呀!
煎得唔夠燶
福豊拉麵店
食完後, 老公自行返酒店休息, 佢話好眼瞓喎! 而我就自己去shopping, 主力行 Mylord, 因為呢度有好多日本brand 都啱我呀! 跟住又去咗Beams 買咗個化妝袋, 係我至愛o既波點同蝴蝶結呀!
行到差唔多六點就返酒店會合老公, 因為跟住我哋要去東京鐵塔同六本木呢!
沒有留言:
張貼留言