係車望出去, 見到洞爺湖呀! 即係好快就到溫泉酒店喇!
上到房好正喎! 原來今晚係瞓"塔塔米"呀!
小馬話望出去係睇到洞爺湖, 不過黑得滯睇唔到咋!
茶几上擺放兩粒菓子俾住客品嘗.
梳洗後, 我哋就落下面酒店行吓先!
售賣香煙機
個鋼琴好靚呀! 係我至愛o既粉紅色呀!
竟然見到米奇&米妮o既公仔, 走埋去影番張相先!
就係呢度食buffer, 六點已經可以開始食, 其實我哋中午o個餐都未落格, 仲好飽, 但因為之後要浸溫泉, 又唔想太夜食, 所以都照入去喇!
地方好大, 我哋被安排坐窗口位.
出到去, 見有好多野食呀! 好吸引, 但真係食唔得落, 只係揀咗好少野食, 生果就食得多啲!
當晚有表演節目 ~ 係打鼓!
我哋食咗唔係好耐, 之後就番上房準備去浸溫泉喇! 上到去, 見到床舖已經執好了! 好開心即刻係櫃裡攞套衫出o黎換, 仲要影番張相先!
唔知今晚會唔會瞓得唔好呢?
我哋就休息一陣, 就著住呢套衫落去, 我同小馬約咗一個時間, 浸完溫泉係出面等.
裡面有幾個溫泉區, 唔係太多人, 我miss咗浸露天溫泉, 因為唔知呢間有呀! 不過浸完真係好舒服, 好正呀! 之後出番去join番小馬, 我哋又係雪糕小賣店買雪糕食, 一日內已經食咗三次喇! hehe!
呢啲就係我哋今日o既收獲呀! o黎張大合照先!
浸完溫泉可以瞓個好覺喇! 期待第二日去小樽呀!
