10/12 ~ 自上次係政府做Oscar後, 已經一個月無見小小馬了, 唔知佢依家點呢? 今日約咗去盧醫生到產檢, 又可以同小小馬見面喇~
去到驗尿, 量血壓同磅重, 等咗一陣就入得去喇! 坐低醫生問我有無唔舒服, 我話番隻腳腫件事俾佢知, 佢話睇o黎唔係陀 b影響, 因為如果係荷爾蒙關係, 就唔會只係腫一隻腳, 應該係我自己整親, 不過當日已經唔痛了, 傾完就入去照u/s喇~
醫生話今日可以睇到好多野, 因為bb長大好多, 同埋唔再睇佢size了, 而係度佢頭圍, 肚圍同大腿骨o既長度. 相隔一個月, 小小馬真係大個好多呀! 成日係度游吓游吓, 又見佢係度飲水, 不過今日見唔清楚佢塊面, 見佢隻腳好活躍, 係咁郁, 好似田雞呀! 哈哈.... 好彩佢都乖, 肯俾醫生照, 醫生俾我哋聽吓佢心跳, 好清晰, 今次有160bpm, 之後幫佢度頭圍: size 正常
肚圍: size 正常
大腿骨: size 正常
之後醫生向下移, 佢話幫我睇佢性別呀! 小小馬真係好 open呢! 擺好位就睇到了, 哈哈.... 不過我暫時唔公開住, 我想等埋照結構再confirm 呢! 醫生話我胎盤位置及胎水都正常, bb 一切正常, 如果詳細啲就要留待照結構喇!
照完同醫生傾吓我是否夠鈣o既問題, 因為擔心小小馬越大, 我o既鈣唔夠俾佢, 醫生話如果唔夠鈣, 會有三個特徵: 流牙血, 流鼻血同抽筋, 暫時我一樣都無, 所以應該無問題的, 至於我仲未決定順產同開刀, 醫生叫我唔駛咁快決定, 因為到後期有機會有變化, 如果bb無轉頭, 我就無得揀要開刀了, 所以等到三十週後決定都未遲啦! 傾完哂, 我哋就出去等攞藥同埋交按金$10,000留位, 攪點就安樂哂喇~
之後約咗朋友去上環食tea, 順便去永安睇吓bb野, 因為有減價呀! 原先見到張Aprica high chair 好抵, 好想買, 但呢個款唔係我心水, 小馬話不如唔好咁急買, 遲少少再睇其他款先啦! 所以o個日就無收穫喇~
個肚好似都係差唔多大, hehe....
http://www.easiyo.com.hk/
其實自己開嗰啲真係好啲…我依家會叫我老公幫手shake勻佢，因為開一次粉可以keep兩個星期既，所以唔洗成日開架！！不過記得要坐暖左先可以食^^
另外見到你之前寫已經搵了陪月，想問下你難唔難搵到架？因為我依家都唔知响邊到搵較好，因為有太多不同..
另外見到你之前寫已經搵了陪月，想問下你難唔難搵到架？因為我依家都唔知响邊到搵較好，因為有太多不同的陪月公司………
另外我自己都有去廁所較困難既問題，但我見你買市面嗰啲乳酪食，我都有食乳酪，不過唔好買現成呢啲啦！因為入面加了好多糖，食得太多唔係咁好，你可以買嗰啲要自己用水調嗰種會少好多糖架！city super有賣的……
最後…Nice to Meet U !!