呢排真係好懶, 好耐無update個blog, 襯放假等我再繼續update埋BD晚宴o個part先!'
影完外影就趕番酒樓, 因為約咗阿May 4:30轉妝, 佢都好準時到, 我哋要係銅鑼灣廣場二期落車行去一期, 大家都知銅鑼灣一向咁多人, 沿途勁多人望我哋, 不過都幾特別呀!
上到去, 見兄弟姊妹開始佈置場地, 有啲親戚朋友都到咗係度打麻雀, 我就趕入房化妝換衫. 因為我朝早4:30已開始化妝, 已經開始keep唔到, 於是阿May幫我落哂妝再化過, 不過佢都好快手呢! 化妝期間, 知道好多人出出入入, 又有兄弟幫手買野食上o黎, 我就食咗啲, 驚陣間無時間食到野, 阿May搵咗另一個助手o黎幫媽咪同奶奶化妝, 所以佢可以好專心幫我攪! 席前我會先著掛影吓相, 搵兩個姊妹幫手換衫, 所以好快可以出去影相了!
門口, 埸地及城堡Backdrop
出去梗係要睇吓啲佈置是否ok啦!
檯上自家製Menu
再睇吓Reception Table o既佈置.
相簿區及自家製Welcome Board
我知五點幾啲小禮物已經到咗, 兄弟就幫手每檯派, 而我哋o既人型紙板都到了, 但o黎到發現爛咗啲, 好彩補救到擺係度唔係好覺, 不過呢個紙板真係好受歡迎, 啲賓客係咁同佢影相, 哈哈!
我哋要跟番個紙板o既動作再做一次先! 連Bonny都唔執輸影番張相呢!
同屋企人影相, 連煌府老板強哥同錢小姐都o黎祝賀我哋, 仲幫手叫同事跟好啲tim!
Bonny & Tony 大約6:30到, 佢哋同兄弟姊妹briefing.
影到咁上下, 就入去換衫轉妝喇! 因為趕住出o黎要切蛋糕呢!
集齊兄弟姊妹影張相先! 而Bonny and Tony 負責帶住我哋進行整個儀式.
合緊交杯, 我哋飲哂成杯"Cream Soda"o架!
餵蛋糕唔緊要, 無端端要用口餵, 真係攪野! 不過的確好sweet呢!
切蛋糕儀式完成後, 我哋就開始做咗人肉紙板, 要係咁同賓客影相, 仲企到條腰好攰tim!
其實我同小馬到呢個時侯已經開始好攰了, 始終前晚無瞓, 又攪咗成日! 不過都仲要繼續支持下去!
Bonny & Tony幫手順住叫每個單位出o黎影相, 好有秩序, 我哋就不斷影相, 同賓客打招呼.
依家睇番當時兄弟姊妹o既反應及表情, 再加上佢哋整日o既幫手, 勞碌了一天, 真係衷心多謝佢哋呢!
到差唔多8:30, 大部份賓客都到了, Bonny & Tony就負責帶領賓客就座, 同埋睇住時間開始晚宴, 而我同小馬就入換衫轉妝, 準備進場喇!
幾時可以比番啲相我地呀.
幾時可以比番啲相我地呀.
你這裡的相都是grace影的嗎?
welcome back....HAHAHAHA....
個人型紙板好掂呀!!你d snapshop都幾ok喎!!影得好自然,好靚.