新年前見有時間, 去咗睇BB車, 之前都係永安同Jusco 睇過, 不過都無咩心水, 但我自己喜好就係Aprica 同Chicco o既車, 去咗Chicco專門店, 見到架新款車, 座位比較闊身, 想小小馬坐得舒服啲, 同埋車轆都好隱陣, 推過都好定, 老公試過收車同開車都方便, 不過車身有5.9kg, 都唔輕, 如果我自己同BB出街就拎唔到喇! 不過到時有工人或者老公係度都OK o既!
睇咗一輪, 我同老公決定要呢架車, Sales 話新到連cataglog 都無, 係Chicco買車好處係可以唔駛即時送貨, 可以keep係佢哋個倉三個月, 到時差唔多先通知佢哋送貨, 另外我又配埋呢款model o既雨檔, Sales話成日斷貨, 費時到時無貨就麻煩, 同埋咁啱o個日初生二合一洗髮淋浴露有折, 原價$198, 折咗$128, 咁我買咗兩支試吓, 到時連埋車仔一齊送貨, 好方便呢~ 好開心小小馬到時有新車坐喇! 係度要多謝姑奶呢份禮物呀!
o個日經過 Body Shop, 見平時用開o既body cream用哂, 咪買咗盒 Olive Body Butter, 味道清香, 質地滋潤, Sales話大肚都可以搽o架!
攝於 Week 24 Day 1
- 熹熹媽
Combi 輕身好多, 自己單手收車都得, 不過因為到時我有工人同我出入, 所以先可以買架重身少少, 自己出街就唔得喇!回覆 - ♂JoEy
其實都有朋友有二手,但諗諗下都係算,唔知幾舊.同埋而家我d fd話送比我,所以就買部新的. 早2日訂左. 之前想買韓國牌子,c字頭o個隻,但後來嫌重,而家買左Combi.回覆 - ♂JoEy 我想問呢個車幾錢呀?回覆
