我呢排真係懶咗好多, 咁耐先update個blog, 連結婚當日o既野都未寫, o黎緊真係要努力update 番先! 咁就由接新娘寫起先啦!
由於仲未整好野同執野, 所以前晚無瞓過, 一路執野一路等阿May上o黎, 佢四點上到屋企, 先幫媽咪化妝, 跟住就到我化, 因為五點要上頭, 於是要停低上完頭再繼續, 阿May好好心機, 知我前晚無瞓, 個樣咁殘, 幫我執靚佢, 望落即刻醒神哂呢!
伴娘五點上到o黎開始化妝, 陸續其他姊妹都到, 有啲上o黎要換衫化妝set頭, 阿May一個都應付自如呀! 勁!
我攪點之後, 係時候換褂喇! 唔知點解, 著起套褂就更加緊張呀!
之後同啲姊妹及屋企人影吓相
阿May臨走前幫我再補妝
阿May會用相機影低, 睇吓化得好唔好, 佢話係鏡頭下睇會準啲呀!
各位姊妹幫手準備遊戲道具, 各位兄弟同新郎哥小心呀! 哈哈!
準備好道具後, 各位姊妹開始傾玩遊戲詳情同時間控制, 好認真喎!
所有野準備好, 就只係等小馬同兄弟上o黎, 於是我哋就傾吓計, 攝影師叫我逐一介紹各姊妹, 佢哋仲個個講啲祝福說話俾我, 攪到我好開心呀!
講吓小馬同兄弟先, 佢哋係樓下等咗好耐, 等mug, 我會開篇blog講o架!
你哋等著迎戰啦! 小馬, 出發喇!
姊妹齊心, Yeah! 當小馬一到, 而我就要入房喇!
- 哥記
化得好精神wo!!回覆 - 幸福潘師奶
真係化得幾好呀，完全唔覺得你攰呀!!~回覆 - Yan
你好靚呀，唔覺你攰呢~回覆 - 乾脆 你真係一d都唔似冇訓過~~ 好sharp好靚呀!!回覆
- Mama LuCi
完全冇覺得你攰呀!! 好精神、好sharp!回覆 - Money
真係呀, 成個人好sharp 呀!!!回覆 - wai lun 我仲想睇婚紗LOOK同晚宴既相呀!回覆
- Dau Dau 你好靚呀~~回覆
- Small i
你個髮型好正AR回覆 - 海草bb井井
你結婚當日好靚呀~~回覆
