第二天 (11 Oct 09)
明治神宮 => 竹下通 => 表參道 => 裡原宿 => 新宿
今日行程主要都係逗留係原宿, 早上先參觀明治神宮, 之後就更係shopping 啦!
由於禽日夜晚到酒店, 今早先望清楚間酒店外貌
過咗酒店斜對面間cafe食早餐
我哋要咗三文治, coffee & lemon tea
我哋坐樓上, 可能時間尚早, 加上今日係 Sunday, 所以好靜無咩人呀!
食完早餐後, 我哋先去小田急counter 攞預先訂好的 Romance Car tickets 及買 2 days Freepass, 拎齊哂資料, 我哋就搭 JR 往原宿喇!
用山手線, 只需一個站可直達原宿, 約5分鍾車程.
到達原宿, 呢個站外貌較其他站特別, 向"竹下口"就係由呢度出
我哋出"表參道口" , 向明治神宮方向行
出站後, 就見到神宮橋, 正是明治神宮入口
向前後, 就見到門口有個好大o既鳥居呀!
大到攬都攬唔哂呢~
樹木參天, 雖然今日好曬, 不過有樹蔭都 ok 呀! 正值秋天, 一路行都好舒服, 加上空氣清新呢!
沿途經過明治神宮御宛, 不過有料, 所以只係外面影張相咋!
行行吓, 見到好多酒桶
另一邊又有
影完一輪相後, 我哋又繼續行, 見到第二個鳥居呀!
行咗一段路, 就到神宮廟了, 入廟前記住要淨身呀!
我都要入鄉隨俗先!
小馬也來飲一啖, 好清涼呀~
入廟前又見到個鳥居
今日除咗當地o既善眾外, 仲有好多遊客 tim!
係廟o既旁邊, 見到好多許願木牌, 寫一塊成惠 500Yen
我無寫木牌, 只係寫咗願望係張紙上
我的祈願文
入落封後, 就可以投入呢個收納箱內喇!
剛巧見到一班當地人, 應該是於較早時間進行完婚禮儀式, 事後家人在影相呢! 可惜我哋錯過咗喇~
我哋行入廟內, 學吓當地人, 拋硬幣上前, 拍三下, 合十祈福
小馬行得頗攰了!
行完 lur, 準備沿住大路行番出去, 雖然呢度唔係好多野睇, 但都需時成個鐘, 不過都值得o黎呢度參觀呀!
係門口見到對母女, 著住傳統和服, 應該係到神宮祈福, 個小妹妹好 Kawaii 呀!!!
沿途吸引其他人同妹妹影相, 佢哋仲停低俾我哋影呢!
行番出神宮橋對出, 見到一個全粉紅 Lolita look o既少女, 真係襯到絕呀! 好多人都註足望佢, 個女仔行一步就停一步俾人影相, 我哋講笑話真係唔知要行幾耐先離開到呢度呢!
下一 part, 就係我shopping o既時間喇!
- 幸福潘師奶
呢到真係幾特別喎，有機會我都想去下呀!!~回覆 - Natalli
我上次驚唔夠時間shopping所以無去到明冶神宮，之後勁後悔。回覆 - Small i
我都係係門口影一影jar回覆
