我哋係大涌谷駅搭吊車到桃源台, 沿路都可以再見到富士山, 依家係我頭上tim呀! haha!
見到蘆之湖了~
向下望, 見到紅葉呀! 相信到十一月, 呢度四處都係紅葉, 更加美艷呢!
到達桃源台喇~
我哋趕唔到12:00班海賊船, 於是等12:40 o個班啦!
見仲有時間, 先醫咗肚先~ 呢度唯一一間餐廳.
搵咗張檯, 可以望到碼頭, 仲見到兩隻海賊船泊咗係度呢!
我哋柯打咗野食, 如果攞得, 呢部野就會響音樂, 咁就可以出去取食物喇!
要咗咖哩豬扒飯, 都好好味!
龍蝦汁蟹意粉, 呢個一般啦!
食完後, 快快落去影吓相先!
呢艘海賊船係瓦薩王號, 我哋就係搭呢艘船喇!
係下面影完相, 夠鐘上船喇! 不過好多人都走上甲板度, 所以都幾迫呢!
搵到個船頭位企係度欣賞蘆之湖風景, 成段路程係先由桃源台到箱根町港, 再到元箱根港, 再番回桃源台
不過真係超級大風呀!
到了箱根町港
泊埋岸, 有遊客落船, 亦有其他遊客上船
繼續開船喇!
由於風太大, 小馬頂唔住太凍, 落番船倉內坐, 而我自已就繼續留係甲板上
正向元箱根港進發, 此刻同時見到富士山同平和鳥居
到了元箱根港, 本來行程係要落船, 去箱根神社參觀, 但因為要去御殿場, 驚時間唔夠, 所以放棄咗呢個景點, 真係有啲可惜呢!
開船番桃源台喇! 見到箱根神社
Bye Bye 平和鳥居, 希望將來可以再o黎參觀啦!
由於企得太耐, 我開始覺得凍了! 於是落去船艙搵番小馬呢~
搭咗一小時船河, 番o黎桃源台喇!
見到隔離泊咗另一艘船 ~ Victory 號
之後我哋係桃源台外搭小田急高速巴士到御殿場駅, 途經仙石原, 仲見到芒草!
啲芒草好高呀!
又經過小王子博物館
大約35分鐘, 就到了!
行過斜對面, 可以係度等 free shuttle bus, 就可直達御殿場了! 回程時, 都係搭番shuttle bus番o黎呢度, 跟住等小田急高速巴士番新宿呀~
等咗一陣, shuttle bus o黎喇! 好準時三點到呢!
幾分鐘就到達御殿場喇! shopping 時間開始~
我哋先行West Zone, 第一站先去Coach, 而小馬就去搵Locker放低野, 我哋係Coach都逗留咗好耐, 咁當然有收穫啦!
由West Zone 去East Zone, 要經條橋過, 望過對面見到摩天輪
之後又行Nike, 話係outlet, 但價錢都唔係平好多呀! 我又行Beams, As Know As
行到咁上下, 又過番West Zone, 由呢邊行過去, 見到黃昏下o既富士山呢~
我哋行咗差唔多三個鐘, 係時候要趕車番新宿, 我哋搭小田急高速巴士, 上車補Yen850就得喇! 可能今日太攰了, 上車無幾耐就瞓著咗, 期間有意識知道中途塞車, 所以由原定搭個幾鐘就到, 變成兩個幾鐘先到新宿呢~
返回酒店Check-in 番, 攞埋行李放低野, 休息一陣就出去食飯喇! 經JR南口外面行去JR東口, 沿途見到高島屋
呢邊出口近Lumine, 每次去東口o既必經之路
JR新宿駅東口
Alta 外見到木村呀!
我哋今晚去"三國一"食手打烏冬
柯打個小食, 記得係薯餅, 炸得好脆, 內裡o既薯蓉好好味呀!
另外柯打咗兩個烏冬, 呢個辣o架! 不過啲烏冬真係好彈牙呀!
由於太肚餓, 全部食清哂呀!
食飽又慢慢行番酒店, 我哋又去咗ampm 逛逛, 仲買咗啲dessert做消夜呢~
番到酒店, 又要show 吓今日o既戰利品喇! hehe! 都唔係買咗好多啫!
