27/1 ~ 自從係東區醫院照完結構後, 醫生話無咩問題, 下次可以去健康院檢查就得喇~ 今日媽咪陪我去西灣河健康院, 本來約下午一點半, 但放工趕唔切, 去到都二點了! 原來我係最遲o個個到, 去到其他準媽咪已經係度聽緊姑娘講解, 我就miss 咗喇! 只攞咗份資料, 跟住係出面等叫名量血壓, 磅重同驗小便, 攪點後, 再係出面等叫名見姑娘, 由於我係最尾, 所以等咗好耐呢! 我覺得呢度無咁多人, 尤其是國內媽媽, 係度檢查都幾好!
到我入房喇! 姑娘問我一啲資料, 又問係咪之後淨係返東區醫院飲糖水, 佢問BB郁動成點, 我話佢日日都有郁, 不過無定時, 但一食野就郁, 尤其是食咗朱古力, 我咁講就衰喇! 俾姑娘知我食朱古力, 佢叫我唔好食咁多甜野, 生果都唔可以食得多, 牛油都盡量唔好食, 呢啲都係令血糖標高o既原因, 佢睇番我依家體重, 同未有BB前比較, 好彩增加幅度唔算多, 但係都要控制吓! 我覺得呢位姑娘幾好, 又問我呢段時間有無唔舒服, 話如果抽筋, 教我點樣拉筋無咁扯, 同埋佢問我想唔想報教餵母乳堂, 我話想, 佢就幫我book咗四月中上堂, 仲預埋老公 tim!
之後出番去再等叫名見醫生, 出到去見到其他媽咪都走哂 lur~ 房內係位女醫生, 幾cool, 叫我自己瞓上床, 揭起件衫, 之後佢過o黎按我個肚, 又攞部機聽BB心跳, 問我BB郁o既情況, 跟住話我無野喇! 約埋下次覆診時間就可以走得了! 走時成三點半, 我同小小馬都好肚餓呀!
步出健康院, 就有一班師奶擁過o黎, 原來係叫我填入奶粉, 尿片會form, 我見有野送, 咪幫佢哋填, 唔知之後會唔會收到奶粉, 尿片呢?今日收到呢啲贈品
不過我地唔想留咁多地址比呢d 公司, 應該都唔會入會了.....