13/9 原定今天是來M的日子, 因為我一向都好準, 今天早上見有少許啡, 心想是來M的先兆了, 即是今個月又失敗啦! 不過仍未有肚谷o既現象, 或許明天就會呢! 晚上還約了舊同事食飯, 之後回到家發現今早的啡沒有了, 咁怪o既! 算! 或者半夜就見到紅啦!
14/9 整天都留意有沒有來M, 奇怪是.... 一滴都沒有! 我開始懷疑自己係咪bingo了, 因為我仲未驗, 於是放工返屋企即時拎紅d 出o黎驗, 竟然不用兩三分鐘已出現第二條線, 亦都幾明顯, 平時check排卵條線都無咁深色,
當時已開始懷疑自己已懷孕, 不過仍需待明早check 綠d 再confirm, 當晚我同小馬講咗呢個情況, 佢仍未有即時反應, 叫我明天confrim 咗先啦!
15/9 由於禽晚想著這件事, 瞓得不太好, 今早起身即時用綠d 及紅d 再check, 等咗一陣, 紅d及綠d分別見到線, 紅d就深色過禽晚, 而綠d就淺色啲, 但都好清楚見到
我o既反應係又驚又喜, 驚係好突然, 無想過會係今個月, 喜係try咗半年, 終於等到今天喇! 我即時叫醒小馬, 話check 到有線喇! 可能佢未瞓醒, 懞吓懞吓, 只聽到佢講咗一句, 搵醫生check多次confirm 啦! 好啦, 陣間落樓下家庭醫生度check啦!
我向公司請咗假, 因為前日見到有啡, 唔知係咪著牀血, 定係.... 見到醫生問吓先!
小馬俾我吵醒後, 都瞓唔番, 我話佢開心到瞓唔番就真, 於是我哋落樓下睇醫生, 我同醫生講自己check到bingo, 醫生問我 last M係幾時, 計咗我當日是4week5, 仲俾個預產期我, 係2011年5月21日, 不過呢個日子不能作準, 要等婦科醫生再confirm! 醫生又問我哋係咪計劃內要bb, 問我有無不適, 我話前兩日見到啡, 佢話有可能是作小X, 叫我要休息多啲, 之後叫姑娘幫我驗孕, 我留了一些小便, 係診所等咗一陣, 之後姑娘俾番支驗孕棒我, 話confirm 係懷孕了! 仲俾咗一疊入bb會o既form, 填好可交番俾診所.
我遲咗幾日先影, 淺色咗喇~ 第一日係深色啲o架!
當醫生confirm之後, 小馬不知幾開心, 仲好take care我, 叫我平時一個人時要小心啲, 尤其是搭地鐵時, 又要我食多啲野, 好多好多.... 好野! 以後可以叫小馬幫我做咩都得喇~haha!!! o個刻覺得自己好幸福, 可以做十個月皇后了!
小小馬: 當媽媽發現你時, 真是又驚又喜啊! 當醫生confirm咗你的存在, 我心裡真的很開心, 這就是緣份喇~ 我會好好保護你, 媽媽做任何事都會好小心, 行步路都會慢慢的, 只希望在o黎緊十個月, 你在媽媽體內能健健康康地成長, 爸爸媽媽好期待下次見到你呀!
我上個月開始試不過失敗左前幾日黎左ｍ，所以我想買的紅d 黎ｃｈｅｃｋ排卵期，你覺得準唔準同難唔難用呀？？