5/1 ~ 好開心呀! 完成咗大project, 可以真真正正輕鬆吓喇! 不過由於結婚當日, 天氣比較凍, 又著得咁少衫, 卒之第日就病咗喇! o個朝瞓得晏, 跟住去還衫, 又要出去買旅行用o既野, 夜晚又約人食飯, 之後番屋企執行李, 連睇醫生o既時間都無, 只係食咗啲成藥咋!
到第二朝起身, 已經覺得好唔舒服, 又想嘔, 好驚去到咩到食唔到呀! 我哋要八點去到機場, 已經遲咗出門口, 上到巴士忍住, 但行到一半已經頂唔住係巴士上嘔咗出o黎, 之後成個人舒服咗好多喇! 我哋八點半先到機場, 領隊已經打電話催我哋呢! 攪到last一pair check in, 好彩都仲攞到窗口位! 之後我哋去"大家樂"食早餐, 但我唔敢食咁多, 只係食咗三文治, 驚又再嘔過. 跟住去"萬寧"買定啲平安藥上機食, 希望食咗會好啲啦!
夠鐘上機喇! 出面好靚呀!
我不停瞓, 小馬就好精神睇電視, 到食飯佢就叫醒我喇! JAL o既飛機餐真係麻麻地, 不過勝在夠熱!
食完我食藥又瞓過, 真係好倦, 不經不覺過咗四個鐘, 就到東京喇! 心情好興奮呢! 落咗機過埋關就攞行李, 跟住又要去辦轉機手續, 準備向北海道出發喇!
呢度就係成田機場
呢度係辦轉機o既counter
由於要等上機, 都仲有時間, 領隊suggest我哋食定野先上機, 因為過到北海道先食dinner, 都要成九點鐘, 所以我哋行混哂搵食, 好吸引呀!
搵到間"四季旬彩"都見幾多人食, 價錢ok, 於是就入去喇!
小馬o既柯打
我o既柯打
味道都唔錯o架! 又新鮮! 之後係機場行吓影吓相就入閘喇!
轉機去北海道大約一個鐘, 好快就到喇! 到埗後, 攞埋行李上旅遊車, 嘩! 一出機場, 出面好凍呀! 領隊提了我哋, 要拎定羽絨, 帽, 手襪, 頸巾出o黎, 可以即刻著, 因為個溫差真係好大呀! 著好哂, 大家就上車, 上到去又開始覺得熱, 因為車上有暖氣呢!
到達北海道已經天黑(大約晚上八點幾)喇! 領隊話呢到一到下午四點就開始天黑o架! 今次o既司機係女士呀! 好難先遇到女司機呀! 傅san係車上講解, 我哋向札幌橫丁拉麵街出發呀!
傳san介紹呢間拉麵店係全條街最好食o既一間, 舖內細細, 入面只有兩個師傅
我要係廚房影番張相先!
好多食客/名星幫襯後都係度留個大名
我哋o既晚餐正在製作中, 未食都聞到好好味呀!
呢餐包每人一碗味噌帶子拉麵, 啲帶子好大隻, 湯底好鮮好濃, 係香港從未食過咁好味o既拉麵呀!
又柯打客餃子, 外皮好脆, 正!
呢間拉麵店就係"味之華龍", 你睇小馬個樣幾回味!
呢條就係橫丁拉麵街, 專係食拉麵
呢度好旺, 附近有狸小路, 地下街, 遲幾日會再過o黎行!
之後, 係便利店買咗個"雪之紅莓", 入面有粒strawberry, 都幾特別!
又買咗啲零食番酒店食, 行便利店都可以行得好開心, 因為實在有太多野買呀!
跟住我哋番酒店, 今日真係好倦呀! 第二日七點morning call, 所以執好野都休息喇!
下次我要去北海道...哈哈 ^^