10/11 ~ 今日約咗下晝去東區醫院做Oscar, 我都幾緊張, 因為呢關都好重要. 一放工就即趕去, 連lunch都無食, 上到去, 先量血壓及磅重, 等咗半個鐘就入得去喇~ 幫我照o個位應該係高級姑娘, 個樣好cool law! 成個月無見小小馬, 大咗好多呀! 成個人型咁, 不過見到佢趴咗係度, 手腳 fing 吓 fing 吓, 好cute! 但姑娘話佢趴係度就度唔到頸皮, 一定要平瞓番先得, 又話唔想我再o黎多次, 唯有試吓行吓再番o黎, 咁我話我未食lunch, 唔知係咪咁, 所以佢唔聽話呢! 於是姑娘叫我哋不如落去canteen食啲野先, 到時上o黎再照過啦~
我同老公落咗canteen食啲野, 半個鐘後再上番去, 姑娘即刻就叫我入去喇! 今次小小馬乖喇! 佢平瞓番, 見到佢咀仔郁郁, 又將隻手放落口度, 好似食緊野咁, 哈哈! 姑娘話度到頸皮了, 係1.67cm, 又見佢度咗阿b個size, 但我問佢幾多, 佢話今次主要係做Oscar, 所以講唔到我知, 不過好彩佢度時, 我有留意到, 所以都睇到阿b有5.88cm, 照咗15分鐘, 姑娘話頸皮ok, 不過要睇埋驗血部份先決定有無問題, 我又問佢阿b有無鼻骨, 佢話有鼻骨都唔代表個bb係無唐氏, 有啲唐氏b都有半截鼻骨的.... 照完後姑娘俾番張相我, 我仲諗住無tim! 呢樣又幾好喎~
之後出去抽血, 我又同個姑娘講我好怕抽血, 佢都好好人, 抽o個時都唔痛, 抽完坐咗一陣, 見無事就走了, 姑娘話如果係兩個星期內收唔到醫院電話即是無事, 不過如果有事, 多數都會好快通知, 咁呢個星期咪有排驚! 希望順利過關, 呢兩個星期內都唔好收到電話啦~
盧醫生係咪好有耐性ga? 好nice ga?
好開心呢..
之前見你同honey又去日本玩..^^
而家有新寶寶..^^要\加油呢..^^
我都算過來人..^^有咩可以幫到手的地方,,,出聲呀^^
BB..^^HEHE..快啦..^^