第三天 (12 Oct 09)
Romance Car => 箱根湯本=> 強羅=> 玻璃之森 => 季之湯雪月花
呢日好早就起身了, 因為想預早去食早餐, 跟住係小田急月台等期待已久o既Romance Car呀!
上面兩張是Romance Car ticket, 我只訂了單程, 由於前展望席好受歡迎, 於是我預早兩個月前已sent email俾小田急訂票, 小田急服務中心會好快回覆, 如成功訂票, 對方會sent確認email, 只要print出o黎, 到時拎住去服務中心就可以取票了. 價錢方面, 只要買箱根周遊票再加 Yen870就可以訂Romance Car 喇!
而下面就係Two Days Freepass (另有 Three Days Freepass), 成惠每張Yen 5000, 所有印有啄木鳥標記o既交通工具都可以免費乘坐, 包括登山電車, 纜車, 吊車, 巴士, 海賊船, 而且有些景點及餐廳, 只要出示freepass, 都有優惠o架!
我哋先去"Lotteria"食早餐, 款式類似麥記
綠茶熱香餅 ~ 真係第一次食呀! 粗身薯條亦好好味呢!
食飽後, 我哋就向小田急站進發喇! 入咗閘, 見到架最經典 HiSE10000 Romance Car
我哋預早到達月台, 等架Romance Car埋站, 先set定腳架, o黎張合照先~
我哋搭10:10班車, 全車滿席
Romance Car 到站喇! 這款附設大型車頭展望席
有好多人行咗過o黎想同車頭影相, 我哋都要快手擺位先影到相呢!
呢架 Romance Car Model係VSE5000
影完相, 我哋上車喇! 前展望席o既位好多人都想坐, 尤其小朋友, 我哋o既位當時都有兩位小朋友坐緊呢!
我哋o既坐位, 係車o既左面
觀景角度270度超廣闊, 可以體驗吓司機駕駛o既感覺
10:10 準時開車喇! 嘩! 坐呢度景觀好正, 我不斷影相, 不過坐車頭真係好曬呀!
有位職員好nice, 幫我哋影相 tim!
普通小田急線列車
對面線有架 Romance Car番新宿呀!
我哋又企起身影吓相先~
捐山窿喇!
咁難得訂到前展望席, 而且呢日好好天, 所以全程我哋都周圍欣賞景色呀!
搭咗成個鐘車, 逐漸感受到自己已遠離繁囂o既東京市喇~
沿途可以見到其他列車駛過
差唔多11:40, 終於到咗箱根湯本喇!
見到對面有溫泉酒店
架車埋了站, 我哋趕快落車, 要爭取時間喇! 如果去強羅, 過對面就可以搭登山電車了!
上面有餐廳
我哋出咗站, 由天橋望落去湯本街o既情景
泊埋站的 Romance Car
落咗去, 第一站就見到"菜之花", 呢度有溫泉饅頭買
我哋買咗個熱溫泉饅頭, 即食好好味呀~
入面有手信買, 不過由於有效期得2-3日, 帶唔到番香港, 所以只係買咗啲係呢度食咋!
月之兔 ~ 買咗一個o黎食, 入面有粒好大o既栗子呀~
沿住呢條街行, 見到其他手信店, 例如燒餅
呢間舖外牆好特別呀!
入面有漬物, 海味乾貨
行前少少, 過咗對面馬路, 見到湯本橋, 前面就係我今日要搵食lunch o既地方喇~
箱根最美味蕎麥麵 ~ , 已有70年歷史, 利用當地生產的自然薯做蕎麥麵
這裡是傳統和式建築風格
好彩唔駛等好耐就有位喇! 我哋坐樓上
要除鞋坐塌塌米, 先o黎兩杯綠茶解渴~
睇吓有咩食先~
裡面裝修好有日本和式家庭feel
單邊位仲可以一路食, 一路望住出面景色
我哋柯打咗一個天婦羅蝦湯蕎麥麵
另一個天婦羅冷蕎麥麵, 啲麵條真係好爽好彈牙, 天婦羅都好好味呀!
好開心可以食到呢個咁出色o既箱根名物呢~
食飽後, 係外面影吓相,
係湯本橋上
我哋沿番之前條路行番出去湯本街, 經過間舖外面, 見到好多人圍住用筷子夾吓夾吓, 唔知做咩呢?
原來係燒魚, 係free o架, 不過由於時間太趕, 所以我哋無燒呀!
再向前行, 見到呢啲玩具
專登o黎呢度買杯咖啡雪糕食
又真係好好味喎~ 成杯差唔多俾小馬食哂呢!
湯本街真係好熱鬧, 仲有好多手信舖, 我哋都買咗啲手信呀!
另一間專售溫泉饅頭 ~ 丸嶋本店
過番對面就係箱根湯本駅, 我哋要搭登山電車去強羅喇~
13:39 班車full 哂, 又唔想企, 於是我哋等下一班 13:52, 到強羅大約要45mins
登山電車
滿座
今日係日本假期, 好多日本人都會o黎箱根遊覽, 所以四處都人頭湧湧
搭登山電車, 其實坐倒頭位都無問題o架! 因為坐咗差唔多15mins, 架車會倒頭行, 點解? 因為登山電車行走箱根湯本至強羅o既山路, 條路軌唔係一條過, 係要分開幾段o黎行，好似 Z字型咁行走，行完一段就要係轉軌處等信號，然後再反方向由另一邊繼續行，所以行下停下咁都用左好耐時間呢! 不過就可以沿路睇吓風景喇~
途經小涌谷駅
彫刻之森 ~ 由於時間緊逼, 無o黎呢度參觀呀!
箱根遊路線圖
我哋抵達強羅駅喇~
一出站旁邊就有中村屋
前面有花詩
我哋去咗箱根名物 ~ 雲助丸子
有好多款味道
要咗個北海道小豆o既丸子 ~ 食到一半已覺得好甜好膩了~
雲助出面有個手湯, 係溫泉水o黎o架!
大約三點, 可以去我哋今晚下塌o既溫泉旅館 - 季之湯雪月花 check-in 喇~ 跟住就要趕去玻璃之森,
等我同大家參觀完玻璃之森, 再番o黎同大家介紹呢間咁正o既溫泉旅館啦!
同埋可唔可以share埋你個行程比我呀?? 因為我仲未plan呀~~
Many Thanks Winnie