我換咗件中西旗袍出o黎, 好鍾意呢個 look, 雖然頭飾簡單, 但最緊要襯自己, 我set緊頭時, Bonny都有入o黎新娘房, 都話阿May set呢個頭set得好靚呢!
出到去就播即日剪片喇! 由於大家係完全未睇過, 所以好有新鮮感, AG整得都唔錯, 我用了"明天我要嫁給你"呢首歌, 輕快兼好聽, 由頭至尾我睇到不知幾開心, 睇到接新娘o個 part, 仲笑到失哂儀態, 兄弟姊妹都笑爆咀, 連當時無係現場o既賓客, 都感受到當時我哋o既喜悅, 大家都睇得咔咔笑呀!
睇完之後, 敬酒音樂響起, 即是係時候出去巡遊敬酒了!
我同小馬手上o個杯梗係"茶"o黎啦! 逐檯逐檯咁敬酒, 都唔知講咗幾多句...... "飲杯!"
事先搵咗飲得o既兄弟出去一齊敬酒, 到時可以幫小馬頂酒, 都好彩佢啲friend都好, 無係呢個時候灌佢飲酒, 如果唔係, 就........
敬酒過程都順利, 係阿爸每檯都逗留好耐, 又傾又飲, 我哋梗係無理佢, 拿拿臨敬完就走人啦!
之後當然唔少得, 要同奶奶同阿爸阿媽敬酒啦!
敬酒過後, 我又要入去換衫了! 跟住遊戲節目即將開始喇!
第一個遊戲: Bingo
每檯都有人中, 最後梗係分唔到成負啦! 接住就要玩第二個遊戲.
第二個遊戲: 大大聲祝福你
Tony 拎住部分貝機搵咗幾檯玩, 檯檯都好大聲咁嗌:"百年好合, 永結同心", 連我係入面換妝都聽到呀! 大家為咗禮物真係嗌破喉嚨喎! 最後係由我表妹o個檯勝出!
不過當然唔係咁快就可以拎獎品啦! 因為佢哋呢檯賓客要出哂o黎上台, 再表演一次, 最慘係要小馬上埋台坐係度, 俾佢哋圍住向住佢咁嗌出o黎, 真係耳都聾呀! 哈哈!
睇吓成個過程, 小馬好慘呀! 不過我覺得好好笑喎!
就算幾咁大聲, 最後小馬梗係要派利是俾大家啦! 事後小馬話, 當時佢對耳真係好辛苦, 太響有啲"wo wo"聲呀!
跟住到抽獎遊戲喇! 事前Bonny & Tony收齊哂啲祝福咭, 當中抽五位幸運兒, 就可以有份禮物喇! 當然出到o黎都要講番啲祝福我哋o既說話啦!
禮物係朱古力一盒! 五盒o既包裝紙都唔同, 好閃好靚o架!
到抽第五位o既時候, 我剛好換好衫, 於是Bonny叫我負責抽呢位幸運兒啦! 五位都係女家o既親戚朋友被抽中. 現場聽對方講o既祝福說話, 好窩心呢!
差唔多到晚宴o既尾聲喇! Bonny & Tony問我哋仲有無說話同來賓講, 小馬就話無, 而我就再衷心多謝大家出席我哋o既婚宴.
最後, Bonny & Tony講咗一番說話都令我哋好感動, 仲送咗份小禮物俾我哋, 係植物種子, 本應好開心o架! 但我落台之後, 將份禮物擺咗係檯面, 之後要趕住出去送客, 但無人幫拎番份禮物入新娘房, 後o黎發覺就唔見咗喇! 搵都搵唔番, 真係好對唔住Bonny & Tony o既一份心意呀!
你地呢日一家好多回味的東西呢^^!!
好久沒見你update blog了^^
得閒入嚟睇下呀~