28/1 ~ 今日又係見小小馬o既日子喇~ 唔知係咪今日醫生個schedule 好爆, 我一到驗完小便, 姑娘叫我入去見醫生先, 出o黎先磅重量血壓, 調轉都無所謂o既!
盧醫生一見我就問我有無唔舒服, 食同瞓ok唔ok, 我話睡眠質素差, 因為要就個肚o黎瞓, 一平臥就唔舒服, 醫生話其實依家都可以唔駛就住左邊定右邊瞓, 因為唔會影響到阿B, 如果覺得平臥唔舒服就要打側瞓了, 同埋可以加個墊, 托一托個肚會好好多!
講完入去照U/S先! 今日小小馬趴咗係度, 見到佢又大咗好多喇! 手同腳又係咁active, 醫生度咗佢頭圍, 肚圍同大脾骨, 都吻合我個週數, 而心跳都正常, 咁我就放心喇! 另外醫生今次幫我計埋小小馬o既重量, 佢依家有磅半喇!
醫生話小小馬屬於中size, 以依家咁增長, 如果順產會較辛苦, 佢話細番少少會易生啲, 不過我仲未決定呢! 之後我又問醫生胎動情況及飲食方面o既問題, 醫生又講番上次照結構份報告, 全部 ok, 臨走前要求醫生sent信去東區醫院攞番驗血報告, 因為我之前無係仁安驗過血, 佢哋無record, 佢哋需要 keep番.
之後出番去量血壓磅重, 攞完鈣丸同維他命就可以走了! 又要等四個星期先再見小小馬喇~
- Money
我上次照結構, 醫生話好穩定, 唔洗照得咁密...... 不過聽完你講, 可能早少少再照... 而家book 左27週再照.... 睇下佢生長情況點啦! THANKS!回覆 - 小啤子
要求醫生sent信去政府醫院攞番驗血報告, 係咪仁安會直接SEND去架?回覆 - Money 其實要幾耐照一次超聲波架, 我1月11日照左結構之後, 都未諗幾時再去照, 又唔想照咁多..... 其實有冇必要照架呢.....or 去到28週照下都好呢???回覆
