到醫肚時候喇! 今餐係我哋有史以來最貴o既一餐 ~ Lunch! 成二千蚊, 不過人一世物一世, 就豪吓啦!
有大大隻鱈場蟹及螺, 同埋新鮮海膽
我哋要刷咗你哋呀!
呢餐就係我哋豐富o既海鮮Lunch喇! Yeah!
團餐包o既火鍋料, 都有毛蟹同帶子
鱈場蟹及螺刺身
呢啲鱈場蟹就做火鍋料
好鮮甜o既海膽呀! 正呀!
你睇我食得幾滋味, 因為真係好好味呀!
我哋都算勁, 全部野食哂! 飽到都唔願行呢! 之後我行咗樓吓睇手信, 個度有Kitty野買, 又有薰衣草枕頭, 不過我無買到, 只係買咗香包同幾款Kitty o既手帕, 電話繩同鉛子筆.
我哋就係係呢個海鮮市場刷火鍋喇!
之後我哋去熊牧場睇熊, 呢度對住昭和新山.
入到去, 我哋買咗一包蘋果及乾糧o黎餵熊, 傳san叫我哋最好由下面餵到上o黎, 因為如果係上面餵哂, 下面個啲細熊就無得食喇!
啲熊好大隻呀! 同埋好臭呢!
見到有人, 即刻企哂起身打招呼, 梗係啦! 想食野吖o麻!
我丟咗個蘋果落去, 呢隻熊好勁, 一口就接住咗, 真係訓練有數呀!
呢隻細隻啲, 只係餵咗啲乾糧俾佢哋食呀!
餵哂之後, 我哋入番去睇野, 係度幫同事買咗馬油, 自己都買番個o黎試吓, 又買咗啲零食, 同埋又買咗雪糕食呀! hehe!
今次係蜜瓜味
係時候又走喇!
呢位就係我哋o既旅遊巴司機, 係雪地上揸車真係唔簡單o架!
佢係咪好young呢! 同埋一啲都唔似做司機.
下一個行程就返洞爺湖溫泉酒店喇!
DIY / 自製結婚相薄,
價錢由$280起,
已包括相薄印刷, 包裝, 訂裝及香港速遞.
全部百份百本地製作, 信心保證!
詳情請瀏覽我們的網頁: www.photobookasia.com