驚慄片 - 1408

驚慄片 - 1408

2007年9月23日上午11:40公開累積瀏覽 30

 

21/9 - 小馬家姐俾咗兩張UA戲票換領卷我哋, 因為9月30日到期, 於是放工去太古城UA睇. 今期無邊套戲特別想睇, 起初打算睇"出埃及記", 但只映兩埸, 時間唔係咁啱, 於是放棄了! 小馬提議睇"1408", 睇內容好似係恐怖片, 夜媽媽我唔係咁想睇, 但的確無其他選擇, 不過入埸見都幾爆喎!

故事內容:

一位固執刻板、不信邪但又以寫作恐怖小說為生的米奇（尊古錫飾），某晚來到一家旅館，管房經理（森姆積遜飾）事先已告訴他一個可怕事實：1408號客房嚴重鬧鬼！入過這道門的旅客沒一活著退房！米奇一向只相信自己眼見的事物，自然漠視經理勸告，誰不知由他打開神秘之門一刻開始，眼前所見種種異象，徹底超越他預期的詭秘──客房裡出現雪崩、海嘯等超自然奇景已算事少，還不及失驚無神的恐怖襲擊駭人可怕。1408房門將永遠被鎖上，米奇自身難保，如何逃出生天是好？

我覺得整套戲無悶場, 精彩剌激, 劇情帶出"面對現實,不停留於過去,放眼將來"o既意思, 唔會好似一啲鬼片咁純粹得個驚字. 如果係本住要睇鬼片o既心態就會覺得套戲差, 其實套戲著重係心理壓迫, 唔係妖魔鬼怪, 而係evil !!! 結尾主角播番錄音帶, 聽到佢已過世o既女兒聲音, 呢度確實有點可怕!!!

我很欣賞編劇故意賣弄玄虛﹐給人好像已經 離開了1408 室﹐但實際還在 1408 室。就好像人的傷心回憶, 我們以為已經忘掉﹐但實際還留在我們的內心深處。 最深刻o既係最後主角放火, 顯示佢要同過去講再見, 而佢俾消防員救出之後o既一句說話, 亦表示主角唔會再留戀過去. 套戲所表達個主旨好好, 教人要懂得珍惜現在, 接受過去, 愛身邊o既人, 不要活在過去o既回憶當中!!

• 消閒嗜好,
• 綜合