14/4 ~ 係台灣番o黎第二日, 因為放假, 順便約咗PW 2nd Fitting, 小馬同伴娘陪我去試, 今次主要係試晚裝. 我試咗好多件呀! 有啲著出o黎, 伴娘即ban, 連相都費時影, 咁多件當中, 以下o既EG, 我都比較鍾意, 仲暫時hold咗三件tim! 大家都幫吓眼, 俾啲意見啦! 
迎賓
(1) 幻彩藍綠EG ~ 呢件背面係交叉挷帶, 呢隻色會唔會唔夠sharp呢?
會唔會太沈同單調呀?
會唔會太沈同單調呀?
(2) 藍金色EG ~ 伴娘覺得呢件o既上身著得好flat, 同埋唔夠起色.
敬酒
(1) 紅色A-Line EG ~ 呢件一著身好鍾意, 但伴娘話個款較普通
(2) 白底紅色繡花旗袍 ~ 個款唔錯, 但佢哋話白色佔太多了!
(3) 中西式紅色繡花旗袍 ~ 呢件我一著出o黎, 佢哋話呢件得, 連小馬都覺得呢件著得好睇,
同埋如果件件都low cut會好悶, 可以轉一轉個款, 不過真係要keep fit, 如果唔係著得唔靚o架! 仲有呢件要加錢upgrade, 又要駛錢喇!
無影到背脊, 因為都有繡花好靚o架!
仲有一層層小拖尾, 夠grand呀!
送客
(1) 綠色A-Line EG~ 好有希臘風味道, 我鍾意中間同側邊吊落o黎o既水晶, 後面o既拖尾都好靚, 但小馬見到我著呢件就唔多like喇!
話太sexy, 後面又大露背, 我自己其實唔介意, 但如果過唔到佢個關, 我唯有放棄啦! 
伴娘安慰我, 話呢件都係適合大cup o既人著, 哈哈! 咁又係喎! 大啲先撐得起呢件衫o架!
(2) 紫色A-Line EG ~ 呢件又係一致認為靚, 夠大方夠elegant,
我都好認同, 係絹質料, 我鍾意中間係see-through, 夠特別, 不過呢件有個問題, 就係唔改得size, 因為係個質料o既原因, 依家size都啱啱好, 所以我要keep住身型, 話可以肥少少, 但唔好太瘦, 如果唔係就著得唔靚喇!
背面
其實依家仲煩惱緊迎賓件EG, 暫時hold住第一件, 但都唔係最滿意, 因為唔夠sharp呀! 我覺得迎賓o既EG應該係要誇啲o架! 唯有等遲啲再去試過揀過啦!
暫時hold住第一件, 但都唔係最滿意, 因為唔夠sharp呀! 我覺得迎賓o既EG應該係要誇啲o架! 唯有等遲啲再去試過揀過啦!
沒有留言:
張貼留言