禽晚又要上堂喇! 仲要轉咗天氣, 得19-22度, 啲風吹埋0黎都幾寒! 最攪笑係去到剩係見到阿sir一個人, 等吓等吓都無人到, 得我同我同事Daniel, 於是阿sir話唔等開始喇! 我0地先跑2個圈, 再做一連串熱身, 期間有個同事到, 跟住練習番抬舉,向後踢腿同快跑三步曲, 抖咗一陣就開始訓練加速度跑, 可擴大心肺功能, 呢個時候再有一個同事到, 我0地四個人要跑200米, 再行200米, 重複8次先叫完成! 今次ok啦, 唔太辛苦, 有足夠時間抖, 上次要跑400米, 番0黎企係度抖5分鐘, 咁0既形式較辛苦.
我覺得禽晚好似私人上堂咁, 太少人喇! 可能因為會長放大假, 無人逐個打電話去提醒佢0地上堂, 又或者OPT忙緊Christmas, 希望下次會番齊人啦! 多人會好玩好多, 阿sir預告下次帶我0地出街跑呀!
3月4日 渣打馬拉松 ~ 努力呀!
