尋晚為預祝我兩個好友的生日, 我哋5人去咗尖沙咀海運LCX "California Pizza Kitchen" 食飯, 呢處環境幾好, 可以望到激光表演, 可惜去到已沒有窗口位.
我哋柯打咗2個 pizza & 2個 pasta, 另外 order iced lemon tea, 因為呢度飲品係無限refill o架!
食完個pasta, 有個waitress過o黎問我哋啲味是否okay, 其實個汁好香, o黎到已經聞得出好勁芝士味!
再到第二個食完後, 又有第二個waitress 問我哋是否啱口味, 我哋反應佢聽隻碟好大, 但份量較少, 佢竟然答因為pasta上啲cream食落會覺"漏", 個份量差不多. 吓! 咁答客人o既!
兩個pizza等咗好耐先到:
食飽後我哋開始致送禮物, 又影吓相, 傾吓計, 期間有個waitress攞張bill過o黎話:"俾你哋慢慢check先", 吓! 咁咪即係趕我哋走, 有無攪錯呀! 咁無禮貌o架! 我哋係顧客, 幾時走係我哋決定, 於是我哋繼續傾計, 到差唔多時間先埋單走.
"CPK" o既食物水準唔錯, 價錢一般, 但佢哋o既 service 真係要改善下, train多啲班waiter/waitress 啦!
