禽日超失望, 
以為公司會放早, 點知一切正常, 唯有放工先返屋企換衫啦! 小馬放工約咗洗牙, 跟住等我放工一齊返屋企.
以為公司會放早, 點知一切正常, 唯有放工先返屋企換衫啦! 小馬放工約咗洗牙, 跟住等我放工一齊返屋企.
我哋落咗灣仔食飯, 然後散步落銅鑼灣, 目的係去工展會. 記得兩年前我哋係工展會內倒數, 今年都想一樣! Times Square 咁逼就唔好預我哋喇! 
一行入門口就見到呢隻金鼠,
不過行埋睇真啲, 唔係全隻都係金o架!
平時飲鴻福堂就飲得多, 但咁大支就真係未過o羅!
好青BB o既蘆薈呀!
係EDO o既booth見到好大隻鮑魚呀!!! 好想食咗佢呀!
咁大支保心安油, 你又見過未?
今年工展會o既佈置都幾特別及有心思, 本來想試榴槤蛋橽, 但我有咳都唔好食喇! 卒之只係幫襯"東海堂"o既即製菓子, 係綠茶紅豆味, 熱滕滕軟綿綿好好食呀!
今次工展會收獲就係幫我媽買咗蜜糖味合桃咋!
我哋行哂成個場都仲有成個鐘先倒數, 小馬因為第二朝要返早, 我話不如搭車返屋企樓下間糖水舖食糖水, 去到都差唔多倒數啦! 於是我哋去到間舖坐低, 真係夠鐘要倒數喇! 3...2...1... 新年快樂!!!
個老板同啲伙計同我哋啲食客互相祝賀, 都幾特別呀!
小馬o黎番碗芝麻糊加湯丸
我就叫咗至愛糖水之一
~ 蕃薯糖水, 不過小馬影相技術唔係好得呀! 
沒有留言:
張貼留言