7月17日 - 呢個日子係我與小馬的週年紀念, 日子真係過得快, 今年已踏入第八年了, 亦是我倆婚前最後一個週年紀念, 所以特別有意義!
之前大家已經開始諗去邊度食飯慶祝, 本來想食buffer, 但心儀o個間 hotel已經 full了, 唯有再諗過啦! 之後上網見到銅鑼灣有間"Baby Blue Cafe", 主要食歐洲菜, 好多人食過都讚, 而且環境都唔錯, 咁我哋就book咗呢間餐廳喇!
預留大卡位 full哂 lur! 只有細卡位, 都好啦! 呢度有幾款二人set dinner, 小馬話柯打個至多野食o既 set, 要豐富啲呀! 之前大家已經開始諗去邊度食飯慶祝, 本來想食buffer, 但心儀o個間 hotel已經 full了, 唯有再諗過啦! 之後上網見到銅鑼灣有間"Baby Blue Cafe", 主要食歐洲菜, 好多人食過都讚, 而且環境都唔錯, 咁我哋就book咗呢間餐廳喇!
包括有四個頭盤, 兩個餐湯, 四個主菜, 兩個甜品, 仲有兩杯飲品tim! 最好係每款可以係幾款中任揀出o黎, 起碼俾個客自己選擇啦!Home Made芝麻包配蒜蓉醬
Appetizer 1 ~ 蟹肉鮮果凍
Appetizer 2 ~ 新鮮生蠔
Appetizer 3 ~ 蕃茄藍貝
Appetizer 4 ~ 煎鵝肝
龍蝦湯
Main Course 1 ~ 炭燒肉眼扒
Main Course 2 ~ 香草燒春雞
Main Course 3 ~ 燒烤豬肋骨
Main Course 4 ~ 煎帶子蘑茹天使麵
Dessert ~ 焗藍莓蘋果tart及特濃朱古力雪糕批
每款o既 portion都剛剛好, 我哋都食得好飽呀! 而且味道的確唔錯呢!
小馬就係上dessert之前, 突然問我"今日係咩日子呀?" 我當時好愕然
咁答: "咪八週年law!" 跟住佢就攞咗份禮物出o黎(用花紙絲帶包住), 話: "呢份禮物係呢個時候送俾你係最適合喇!" 我接過之後都估到係咩o黎喇! 佢叫我拆開睇吓, 不過因為我太緊張, o個刻無即時拆開, 只係講咗句: "不如陣間你同我一齊拆啦!" 之後我哋食飽後就走了!番到屋企樓下的playground, 小馬同我一齊拆開份禮物, 原來裡面係一枚鑽石介指呀! 小馬幫我戴上, 哈哈!
不過佢戴錯咗係無名指, 我話應該係戴中指呀! 相信佢都係緊張啫! 跟住佢帶笑話:"嫁俾我啦!" o個刻我覺得呢句好肉麻呀! 但其實我好感動o架! 我只懂傻笑點頭,
跟住佢就話:"咁以後要聽哂我話喇!" 哈! 真係俾佢激 um, 算啦! 俾你威住先啦!
呢晚真係好開心好難忘, 我哋能夠一起享受一餐好豐富好好味好滿足o既晚餐, 雖然小馬沒有送花, 沒有跪地, 沒有說一些海誓山盟o既說話, 但o個刻大家已經盡在不言中, 感受到大家o既真愛!
我已經覺得自己好幸福喇! 小馬: 多謝你呀!
呢間餐廳貴唔貴呀?
小馬咁識做, 係你地八周年時, 送上鑽戒, 真係替你開心~
祝你們幸福快樂 ~
嗚... 我bf話佢原來打算上年12月31 count down時向我求婚, 點知果晚我唔係好舒服訓著左, 訓到都無出街玩... 跟住佢有一日上公司接我放工果時比隻介子我咋, 激死
我們也很快樂
好sweet呀!!!!!!!!!!!!!!!!!!
hahaha..
e－ring 外國人係帶無名指o架，不過最緊要自己鐘意同舒服。