禽日係小馬o既生日, 每年我哋都會放假去慶祝, 不過今年我只請了半天假, 一放工先去攞蛋糕上小馬屋企, 哈! 一上到去佢已經坐係度等我, 仲急不及待要切蛋糕呢!
蛋白什果脆脆
我哋一齊唱生日歌, 之後佢許願, 唔知佢許咩願呢?
小馬吹candle, o都起咀好攪笑呀!
食完蛋糕, 我哋又落咗樓下食tea, 跟住出咗銅鑼灣Times Square, 我哋去買飛睇"盜墓迷城 3", 一知道上畫, 已經好想去睇了! 成場都好好睇, 無悶場, 正! 值得推介呀!
之前我哋已經諗定夜晚食咩野, 因為小馬想打邊爐, 於是決定去德興, 呢度係任食, 不過我哋仲柯打咗其他野食呀!
湯底: 日式紅蟹鍋, 裡面真係有蟹o架!
呢度好係份量會因人數而俾, 咁咪唔會浪費食物 law!
海鮮拼盤: 珊瑚蚌, 海螺片, 北寄貝及班片
桂花蚌
呢度都有火鍋點心, 柯打了水晶叉燒包及水晶豆沙包, 不過唔夠"有骨氣" 咁好味!
我哋一路打住邊爐, 一路睇中國女排對古巴, 附近既食客都睇得好緊張呢! 可惜最後中國隊被古巴連追3局贏咗!
禽日我哋好開心, 小馬話佢鍾意平淡咁渡過生日, 只要有我陪住佢過就心滿意足喇! 我聽到o個刻都覺得好冧呢! 
呵呵!!!
呵呵!!! 
http://hk.myblog.yahoo.com/ivy_lin20/article?new=1&mid=2417
moon，你好有心思呢，個蛋糕好靚呀~~!!