14/6 ~ 小馬陪我去牛棚藝術村睇家駒展覽, 呢到都幾難搵, 只係知係煤氣公司隔離, 原來呢到以前係屠房o黎o架!
我哋去到差唔多6:30, 見好多人排隊, 係龍頭前面有個牌, 話要等候兩小時, 但我真係好想睇, 於是決定排隊等啦!
條隊郁得好慢, 因為每次只係放兩個人入去, 裡面只容納20-25人, 每人最耐逗留20分鐘, 不過入得去梗係唔只逗留咁短時間啦! 呢個就係展覽室o既門口
等到大約7:40, 我哋可以入去喇! 其實裡面好細, 但對於我呢啲 fans o黎講, 已經覺得好多野睇, 好滿足喇!
留給家駒的說話 ~ 各位入埸人士可以係呢度留言
這是我o既留言
呢兩段說話是家駒曾講過, 足證明他是一個敢言的人, 我很欣賞他
展覽中放了很多支家駒以前用過及喜愛的結他
另外, 有模擬家駒細個所瞓的床及他童年的相片
還有展出家駒所著過的衫, 戴過的眼鏡, 飾物等
最開心有個corner, 成幅牆貼咗好多相片, 我諗我將自己以前所收集的相片, 都應該可以整到咁樣喎!
現場都有播放生命接觸演唱會o既dvd及家強的訪問特輯, 我哋逗留了差唔多一個鐘, 行到門口真係唔捨得走呀!
門口前面就見到呢到, 我好仔細睇啲字, 這是家強所寫的感受及心情, 好感人呀!
跟住我哋行過去九龍城食飯, 去咗一間叫金寶食泰國/越南菜, 我哋柯打咗以下o既野:
越式拼盤 ~ 味道ok啦!
咖哩雞+法包 ~ 呢個麻麻地, 好淡, 啲汁又太稀!
蝦醬炒通菜 ~ 味道唔錯!
左: 青檸水 右: 青檸梳打
