17/2 ~ 前一晚諗住早啲瞓, 點知都係攪到11點幾先瞓, 較咗鬧鐘4點幾起身, 唔知係咪驚瞓過龍, 一響就即起身. 洗面刷牙後就係屋企熱吓身, 跟住六點鐘就出門口喇! 出面都幾凍, 好彩著咗件防寒內衣呀! 
去到地鐵站, 見好多人, 大家都係天后站落車, 由於得自己一個人, 出咗站就向起點個方向行去, 一路見好多人係度影相, 熱身, 我就繼續向東區走廊進發, 不過又真係行好耐先見起點, 我今年排得幾前, 唔駛同太多人逼! 離起跑仲有15分鐘, 我一路企係度熱身等開跑, 開始倒數10秒, 好緊張呀! 
一起步, 最緊要踩到地下個計時範圍, 我一路以均速形式跑, 唔敢跑咁快, 望住個海跑真係舒服, 不過啲風吹埋o黎都幾凍, 
東廊的確易跑好多, 無斜路, 去筲箕灣個段路好平, 好快就到咗轉路程番銅鑼灣, 呢段路有2次上斜路, 都有啲吃力呀!
一起步, 最緊要踩到地下個計時範圍, 我一路以均速形式跑, 唔敢跑咁快, 望住個海跑真係舒服, 不過啲風吹埋o黎都幾凍, 東廊的確易跑好多, 無斜路, 去筲箕灣個段路好平, 好快就到咗轉路程番銅鑼灣, 呢段路有2次上斜路, 都有啲吃力呀!
中途係城市花園段路發生一段小插曲, 當我跑緊o既時候, 突然有隻雞蛋係我腳前面跌落o黎, 攪到我條褲污穢了, 
相信係上面啲住戶, 聽到出面咁嘈, 話哂個時仲係瞓緊覺發緊夢o既時間, 有住戶唔alright咪掟雞蛋落o黎law! 最慘唔關我事都遭殃了!
相信係上面啲住戶, 聽到出面咁嘈, 話哂個時仲係瞓緊覺發緊夢o既時間, 有住戶唔alright咪掟雞蛋落o黎law! 最慘唔關我事都遭殃了!
好快跑完東廊了, 轉落銅鑼灣, 再上橋跑落維園, 終於見到終點喇! 咁遠o架! 見到大會個時間喇! 要快啲, 到 lur! 
大概時間係1小時6分鐘, 都快過上年呀! 
大會派發食物包, 我只係飲水, cool down後交低計時晶片就搭地鐵番屋企了!
大概時間係1小時6分鐘, 都快過上年呀! 大會派發食物包, 我只係飲水, cool down後交低計時晶片就搭地鐵番屋企了!
今年成績都ok, 個人時間: 1小時6分鐘21秒, 
但唔係自己o既要求, 想係一個鐘內完成o架! 不過東廊真係好跑好多, 呢條跑道絕對唔難, 依家心大心細, 我個friend要我同佢出年一齊跑半碼, 但今年要攪結婚o既野, 咁忙驚無時間練習呀! 要認真考慮吓先! 
但唔係自己o既要求, 想係一個鐘內完成o架! 不過東廊真係好跑好多, 呢條跑道絕對唔難, 依家心大心細, 我個friend要我同佢出年一齊跑半碼, 但今年要攪結婚o既野, 咁忙驚無時間練習呀! 要認真考慮吓先!
哈! 係渣打馬拉松網頁, 搵到自己張相, 不過唔係影係中間! 我到終點時唔記得跑番入中線, 部機影得太側喇! 
仲諗住今年俾錢買相, 影得咁側都係唔買喇!
仲諗住今年俾錢買相, 影得咁側都係唔買喇!
左面戴帽o個個就係我o黎喇!
我係Michelle呀!add左你啦!