我的生日

我的生日

2007年10月19日上午11:45公開累積瀏覽 130

15/10 - 每逢生日我都放假, 唔想返工做野, 今年亦唔例外. 但今年小馬放唔到假呀! 公司唔夠人, 又撞啱返夜, 本來佢話唔瞓覺陪我, 但我覺得咁樣好殘忍, 夜晚返工朝早無得瞓, 仲要陪我周圍去, 我做唔出呀! 於是叫佢瞓先, 下午call醒佢先出街!

朝早係屋企, 阿媽俾咗封利是我, 我又大個女喇! 下午call Pizza Hut 外賣, 食完過小馬屋企叫佢起身, 出得門口都差唔多5點幾了! 我哋出咗旺角金都睇男禮, 又睇花球, 跟住搭番車落筲箕灣"越華會"食飯, 前兩日已食了西式, 想食中式呀! 原先打算出西貢食海鮮, 但見太夜除消了!

賣飛佛 ~ 豉椒炒聖子, 好好味!!!

麵醬炒油麥菜

蒜蓉蒸開邊中蝦

楊州炒飯 ~ 食唔哂, 要打包拎走呀!

食飽仲有蕃薯糖水送tim!
至於今年小馬送俾我份禮物, 就係呢部"Canon" Digital Camera, 其實已經係早兩個月前送咗俾我喇! 因為佢知我想買DC 影低關於結婚o既野, 所以提早送俾我! 佢呢份心意我好明白, 雖然今年佢唔能夠全日陪我, 但可以一齊食餐飯已經好開心, 好滿足喇!
Honey: 多謝哂!

• 情感關係,
• 愛情