1993年6月10日 ~ 是家駒的生日, 估唔到係6月30日, 家駒離開了, 呢日大家都永遠不會忘記. 直至今年, 家駒已經逝世十五年, 家強為紀念家駒, 舉辦了一連串活動, 包括研討會, 展覽會及音樂會. 身為忠心/die hard fans o既我本想出席所有活動, 但應該只能去展覽會及音樂會.
家強刻意安排係家駒o既生忌舉行音樂會, 真係好有意義. o個日我同個friend都準時入場, 雖然已經係優先訂票, 但啲位置麻麻地, 算啦! 到一開場我哋就會衝出去. 開場前, 先播家駒啲friend o既訪問, 講番之前o既一點一滴. 大約到8:30就開始喇! 我哋已急不及待衝上前面睇, 睇佢哋真係無可能坐係度或企原位呢! 可惜唱咗四,五首歌後, 大會要求家強叫啲fans企番埋位, 如果唔係會終止個音樂會, 有無攪錯呀! 我哋只係企係台前睇, 又唔係搗亂, 唔好永遠當Beyond fans 都係唔守秩序, 我哋已經長大喇! 睇band show梗係企係度睇o架啦! 我哋唯有乖乖番埋位先!
家強打頭陣, 跟住陸續有其他artist唱家駒o既歌, 包括周國賢, Koler, 林一峰, At 17, Soler, 太極及黃耀明, 當然唔少得世榮同阿Paul 啦! 個音樂會主要由家強主持, 佢有時同其他artist合唱, 仲唱咗好多冷門歌, 同埋之前無係現場唱過, 所以我哋勁開心呀! 另外, 有三首新歌, 歌o既曲係家駒遺留落o黎, 由家強填番詞再自己唱, 一聽已經覺得啲曲好有親切感, 因為我哋聽家駒o既歌咁多年, 佢的確有自己獨突o既風格.
世榮同阿Paul都係後期先出場, 呢個時候, 家強已沈不住, 縱容啲fans企上台前, 咁我哋咁聽話, 梗係照做啦! 仲以為世榮出o黎後, 阿Paul跟住出o黎繼續一齊唱, 點知佢唱完兩首歌就番入後台, o個時諗唔知會唔會見到佢哋三個再企係台上一整jam歌呢! 阿Paul差唔多11:00 先出o黎, o個時啲fans好high呀! 佢又係唱完兩首歌後入番後台. 差唔多到11:30, 家強想唱一首歌, 但要搵人同佢一齊唱, o個時大家都嗌"Beyond"呀! 終於等到佢哋同台喇! 自從Beyond解散o既concert之後, 都無再見呢個情景了! "海闊天空"是音樂會最後o既一首歌, 將全場氣氛推至高潮, o個刻令我更加懷念以前o既日子呢! 音樂會於11:45結束, 大家都懷著依依不捨o既心情離開.
我好滿意呢個音樂會, 可以重溫家駒o既歌, 仲可以係螢光幕睇番之前家駒o既片段, 有啲仲未睇過tim! 不過一路睇就諗番以前開心o既事, 眼淚不期然係眼窩內滾動著! 我尚算忍得住, 沒有痛哭起來, 因為感覺家駒好像沒有離開我哋, 每個影像都好實在.
最後, 我要向家駒講一句: "生日快樂! 我哋永遠都懷念您!"
沒有留言:
張貼留言