27/7 - 睇完酒樓, o個晚過番灣仔食飯, 我哋去開一間茶餐廳, o個度樓上專播足球賽事, 當晚會播曼聯對廣州隊, 小馬係曼聯fans, 梗係要去捧場啦!
我哋坐低叫咗o野食, 8:00開波, 播到半場時, 有一班人上緊o黎, 我聽到個經理話:"今日有波睇, 坐入面啦!", 當中有個女仔, set哂頭, 化行妝, 著風褸短裙加對boot, 手上拎住杯果汁, 戴住口罩, 我覺得佢有股星味, 當時在場o既男士都將視線由電視轉向佢度, 應該係名星呀! 成班人坐係入面, 佢背住我哋坐.
我好八卦成日望佢, 佢無食o野, 淨飲果汁, 佢同人傾計時我只睇到佢側面, 仲成日摸塊面tim! 我同小馬估係邊個, 
我估係Yumiko, 阿Sa, 阿嬌定泳兒, 小馬話係Joey, 睇睇吓又幾似喎! 其實都唔出奇, 轉彎就係"英皇"office, 小馬成日都係附近見到artist! 係茶餐廳見到Joey都幾難, 不過唔知點解佢要戴口罩呢? 佢哋坐咗30 mins-45 mins就走, 佢一行出o黎, 啲人一樣望到實一實, 應該係明星o架喇!
我估係Yumiko, 阿Sa, 阿嬌定泳兒, 小馬話係Joey, 睇睇吓又幾似喎! 其實都唔出奇, 轉彎就係"英皇"office, 小馬成日都係附近見到artist! 係茶餐廳見到Joey都幾難, 不過唔知點解佢要戴口罩呢? 佢哋坐咗30 mins-45 mins就走, 佢一行出o黎, 啲人一樣望到實一實, 應該係明星o架喇!
我同小馬睇哂成場波先走, 完埸3:0, 梗係曼聯贏咗啦! 
最失望係靚仔"C朗"出場只有15分鐘, 少咗啲law! 返到屋企, 臨瞓前睇吓報紙, 見到Joey有段新聞, 原來佢剥咗智慧牙, 所以呢排食唔到o野兼要戴口罩遮住塊腫面, 我即刻打俾小馬話佢估中咗, 今晚見到o個個真係容祖兒o黎o架!
最失望係靚仔"C朗"出場只有15分鐘, 少咗啲law! 返到屋企, 臨瞓前睇吓報紙, 見到Joey有段新聞, 原來佢剥咗智慧牙, 所以呢排食唔到o野兼要戴口罩遮住塊腫面, 我即刻打俾小馬話佢估中咗, 今晚見到o個個真係容祖兒o黎o架!
沒有留言:
張貼留言