當知道港台製作"不死傳奇"呢個節目時, 已默默期待家駒個輯幾時播, 我驚自己miss咗呀! 未睇之前, 我怕自己係電視螢光幕見到家駒會忍唔住落淚, 雖然佢已經離開我哋差唔多14年, 但佢o既聲音及容貌, 係我心目中仍然歷歷在目, 像昨天剛剛跟他見面呢!
星期六過咗小馬屋企, 堅持晚上七點半至八點半要睇完家駒才出去食飯. 我好想好想錄低, 但屋企部錄影機壞了, 唯有問番我個friend借o黎copy啦! 節目中大多數片段以前都睇過, 最鍾意睇其他人o既訪問, 因為可以了解家駒更多鮮為人知o既事, 同埋知道佢哋對家駒o既感覺, 特別係家強, Paul及世榮, 經歷咗14年, 當中大家已各自發展, 各有各忙, 依家好耐無聚埋一起了, 我哋fans就更加好耐無係電視及其他function見齊佢哋3個啦!
節目內播咗好多首歌, 不期然會唱出o黎, 但有一首歌我好唔鍾意, 就係"海闊天空", 記得當年Beyond係日本番o黎, 我係商台第一次聽呢首歌, 已經覺得好好聽, plug上台一定掂, 但當家駒出事後, 聽番呢首歌, 歌詞中: "那會怕有一天會跌倒, Oh No! "..... 個心好唔舒服, 難道家駒已預知自己會跌親? 連家強都有此諗法.
識我o既人都知我係一個超級Beyond Fans, 我由F.2時已喜歡聽Beyond o既歌, 到F.4成日出function, 直到家駒過身後都有去, 3人時期無4人時期咁密, 再到3人解散後都會間唔中出function, 數數手指都已經好多年了! 當中真係有喜有悲, 喜o既係由佢哋初起到走紅, 再到第一次係紅館開concert, 拍劇拍電影, 為咗理想, 想衝出香港, 到日本發展. 悲o既係剛起步便因家駒出事而腰折, 再到三人發展, 因大家對音樂意見分歧, 需解散各自發展, 係紅館開最後的concert, 直至最近傳出家強與阿Paul鬧不和.
Beyond 4個當中, 我喜歡家駒, 因為佢把磁性o既聲好吸引, 不論係Rock'n Roll o既歌抑或情歌, 都可以唱出不同o既味道, 無人可以代替/學佢, 佢o既外表, 唔屬於靚仔, 反而好man, 好有大哥風範, 說話好直有point, 佢講一句其他人唔敢say no! 佢o既離去, 對我係一個打擊, 其後亦因為佢而令我讀大學時好勤力, 成績理想. 不論多少年後, 家駒同Beyond係我心目中o既地位依然不變, 永遠support佢哋, 我可以好大聲咁講, 我係聽Beyond o既歌長大o架!
沒有留言:
張貼留言