公司有Bonus呀! + 團年飯

公司有Bonus呀! + 團年飯

2008年2月7日下午7:12公開累積瀏覽 190

禽日係年三十晚, 公司出咗e-mail 收 2點, 不過除消 lunch time, 直踩到2點就可以收工, 但我做到3點半先走得呢! 前一日公司同我哋開個meeting, 宣佈今年o既生意差過上年, 起初我都以為無bonus啦! 係呢間公司剛剛做滿一年, 無bonus真係好灰o架! 加上我哋無雙糧, 但個CEO話出面市道咁好, 無bonus好似好殘忍, 於是幫我哋fight到, 今日派咗信俾我哋, 雖然我都唔係咁滿意個數, 但好過無啦! 唉! 快餐業市道唔通真係咁差, 我前公司都係, 但年年都賺錢, 只係回饋俾員工就少喇!

放咗工出咗銅鑼灣買野, 好多人呀! 跟住等埋小馬放工, 我哋係屋企附近食啲野先, 因為我由放工至到5點幾, 都無食過野呀! 好肚餓呢! 之後我哋返屋企, 今晚小馬過o黎同我屋企人食團年飯, 等埋阿爸放工, 8點半開飯喇! 今晚好多餸呢! 係 8餸1湯 ~ 好好味呀!

好開心一家人坐埋一齊食團年飯, 又過一年了! 祝我家人生活愉快, 身體健康, 事事順利!!!

• 情感關係,
• 綜合