大家期待o既日子終於到喇! 細佬o既BB係7月8日順利出世!
重7磅半呀! 我哋兩家人都非常開心及雀躍! 
下晝我哋已急不及待去醫院探佢哋, 見到病房內有好多BB呀! 有啲係度喊, 有啲就眼仔碌碌.
好Cute呀!
佢個鼻好似我細佬o架!
弟婦由育嬰室推BB出o黎, 出場喇! 好可愛呀! 個樣似足我細佬, 佢係度瞓緊覺,
隔離啲BB嘈, 佢都無理佢哋, 繼續"覺覺豬", 好乖呀! 我哋淨係一直睇住佢係度瞓, 到走都未醒, 好想佢起身見吓我呢個姑媽呀!
喂! 喂! 姑媽o黎睇你呀! 唔好瞓快啲起身啦!
最辛苦當然係BB o既媽媽同爸爸啦! 媽媽前一晚已入院, 痛咗幾個鐘先生, 而爸爸陪入院, 到半夜姑娘話未生得住, 叫佢番屋企休息先, 後來我細佬到四點鐘再接到電話話生得喇! 即刻又趕去醫院, 入產房陪產, 到第二日朝早番屋企瞓兩個鐘又同我哋去探BB同老婆. 佢話雖然瞓得少, 但心情依然興奮, 一見到個仔, 疲累已忘得一乾二淨, 佢不斷同我哋講BB好得意, 係產房個一刻永世難忘, 可以親眼見證個仔出世, 又可以係旁邊鼓勵老婆, 實在太開心喇! 我聽完佢講, 覺得細佬真係長大喇!
佢好緊張個仔, 父母所付出遠超過我哋所諗, 我個刻鼻子一酸, 好感動呀!
重7磅半呀! 我哋兩家人都非常開心及雀躍! 下晝我哋已急不及待去醫院探佢哋, 見到病房內有好多BB呀! 有啲係度喊, 有啲就眼仔碌碌.佢個鼻好似我細佬o架!弟婦由育嬰室推BB出o黎, 出場喇! 好可愛呀! 個樣似足我細佬, 佢係度瞓緊覺,
隔離啲BB嘈, 佢都無理佢哋, 繼續"覺覺豬", 好乖呀! 我哋淨係一直睇住佢係度瞓, 到走都未醒, 好想佢起身見吓我呢個姑媽呀!最辛苦當然係BB o既媽媽同爸爸啦! 媽媽前一晚已入院, 痛咗幾個鐘先生, 而爸爸陪入院, 到半夜姑娘話未生得住, 叫佢番屋企休息先, 後來我細佬到四點鐘再接到電話話生得喇! 即刻又趕去醫院, 入產房陪產, 到第二日朝早番屋企瞓兩個鐘又同我哋去探BB同老婆. 佢話雖然瞓得少, 但心情依然興奮, 一見到個仔, 疲累已忘得一乾二淨, 佢不斷同我哋講BB好得意, 係產房個一刻永世難忘, 可以親眼見證個仔出世, 又可以係旁邊鼓勵老婆, 實在太開心喇! 我聽完佢講, 覺得細佬真係長大喇!
佢好緊張個仔, 父母所付出遠超過我哋所諗, 我個刻鼻子一酸, 好感動呀!
