公司Office Hour攪BBQ?

公司Office Hour攪BBQ?

2007年11月17日下午3:14公開累積瀏覽 1710

16/11 - 由9月開始, 公司決定每個月攪 gathering, 目的係提升每個同事對公司投入感, 部門與部門之間可以增加溝通. 今個月好特別, 於星期五下午一齊去BBQ, 地點係大潭翠華燒烤場, 都好! 唔駛特登係星期六或日參與公司活動!

我哋採購部幾個好同事o黎張合照先!

入到大潭差唔多兩點, 落車要行一段路, 呢度都幾偏僻, 加上個肚"咕咕"聲, 好想快啲有野食呀! 到達個場, 事先已安排8個人一個爐, 大家差唔多都唔同部門, 坐低原來個爐未起o架! 第一個遊戲就係鬥快起爐, 我組啲男丁好犀利, 好快起到喇! 結果係第二名呢!

大家好努力好投入咁起爐呢!

個爐於4分23秒完成喇!

我唔理三七二十一, 即刻燒香腸,丸食先, 再烘多塊麵包醫個肚! 跟住食同事預先準備的沙律, 又有自己煲o既雪梨茶, 好潤喉呀! 燒到咁上下, 又開始玩第二個遊戲喇! 係限時鬥快飲汽水, 剩得最少o個組就贏!

好落力咁飲呀! 加油!!!

最後都輸咗呢! 真係飲到一肚氣!

接住又玩第三個遊戲, 係限時30分鐘, 將準備好的食物燒熟, 認為燒得最靚o既拎出去上檯, 仲要諗個菜名俾佢!

大家好俾心機去燒, 千祈唔好燒燶呀! 我負責整伴碟同諗菜名!

我哋既完成品呀! 係咪燒得好靚呢! 我整啲伴菜都唔差喎!

我組的組員, 同啲傑作o黎張合照先! 大家都有份整o架!

最後結果我哋係輸咗呀! 好唔抵呀! 燒得咁靚!
食飽後, 我哋走去踢毽, 我好"水皮"呀! 佢哋就好犀利呢! 尤其個鬼佬, 唔好睇佢咁大份, 佢踢得好靈活, 以前係美國成日踢豆袋o架!

玩到差唔多5:30, 我哋就慢慢行番去架旅遊巴到上車返公司, 番到去仲食埋生果拼盤先散呢! 哈哈! 今日都玩得好happy呀!

• 上班族,
• 工作