公司要搬office! 好慘呀!

公司要搬office! 好慘呀!

2008年5月18日下午12:27公開累積瀏覽 480

我由上一份工轉到依家呢一份, 差唔多已經年半了! 起初考慮呢份工o既時候, 都係因為近屋企, 之前返火炭太遠了 (我住香港東區)! 可惜返咗唔係好耐, 公司話要搬office, 我知依家呢度租金加得好勁, 我亦唔係要求要搬番香港區, 只係唔想一搬就搬去荃灣西咁遠, 而且o個度又比較隔涉, 對於我哋o黎講真係好唔方便呀!

唉! 難道我真係擺脫唔到返啲office咁遠o既工? 結咗婚之後, 路程依然要咁遠, 諗起都好灰呢!

由於呢個月底就會係新office返工, 於是上個星期, 小馬陪我去新office o個邊視察, 試吓經西鐵過去o既車程, 呢邊要用多啲時間, 因為由香港站o個邊搭去南昌站轉西鐵, 每班車都要等好耐, 我覺得好浪費時間.

我哋公司即將就會搬o黎呢座大廈喇!

隔離除咗有酒店外, 對面就係Citywalk!

我同小馬係Citywalk裡面行一陣, 跟住行番過去荃灣MTR附近, 小馬教我點行去, 我覺得都幾遠呀! 我哋係附近搵咗間店食上海野, 味道一般啦!
小籠包

醉雞

竹笙扒津白

雪菜肉絲麵

三鮮煨麵

紅豆豆腐花 ~ 我反覺得呢個好味, 因為豆腐花好滑, 同埋紅豆好大粒呀!

薑茶湯丸

依家都仲諗緊由邊條線搭去office, 小馬suggest我搭去荃灣站, 再行去office, 因為車程較短, 但我又怕朝早由金鐘轉車, 實在太迫人喇! 而由西鐵o個邊去, 一出MTR就好快到office, 但車程就較耐, 所以我仲1516呀! 或者到時兩邊試一試再決定日後返工o既方法啦!

• 上班族,
• 工作